KumaHebheru 7:19 - Siswati 1996 Bible

¹⁹ ngobe umtsetfo awuphelelisi lutfo. Kodvwa sesinikwe litsemba lelisha nalelincono, lesingasondzela ngalo kuNkulunkulu.

KumaHebheru 7:19 Iomraidhean Croise

Tihlabelelo 73:28

Kodvwa mine kungilungele kusondzela kuNkulunkulu, Simakadze, iNkhosi, ngimente waba siphephelo sami, kuze ngishumayele ngako konkhe lakwentile.

Sililo 3:57

Wasondzela kimi nangikubita, watsi: “Ungesabi.”

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

KubaseRoma 7:7

Pho, siyawutsini-ke? Sitakutsi umtsetfo usono? Cha, awusiso. Kodvwa-ke sono ngabe angizange ngisati kutsi siyini kube akufikanga umtsetfo. Ngabe angizange sengati nekutsi kuyini kona kufisa kube umtsetfo awuzange usho kutsi: “Ungafisi.”

KubaseRoma 8:3

Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

KubaseGalathiya 3:21

Pho, ngabe kusho kutsi umtsetfo uphambene yini netetsembiso taNkulunkulu? Cha, akunjalo. Ngobe nangabe ubekiwe umtsetfo longaphilisa, nakanjani kulunga bekungatfolakala ngekwenta lokufunwa ngumtsetfo.

KubaseGalathiya 3:24

Ngako-ke umtsetfo wasebenta njengemcondzisi wetfu wekusiyisa kuKhristu, kuze sibe ngulabemukeleka kuNkulunkulu kutsi silungile ngekukholwa kwetfu.

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

1 kuThimothi 1:1

Lencwadzi iphuma kuPawula, umphostoli waKhristu Jesu ngekutfunywa nguNkulunkulu, uMsindzisi wetfu, naKhristu Jesu lolitsemba letfu.

KumaHebheru 10:1

Umtsetfo usitfunti setintfo letinhle letatitawufika; ute simo lekungiso sibili saletintfo. Ngemihlatjelo yawo, lenikelwa iminyaka ngeminyaka, lomtsetfo ungeke ubente baphelele labo labakhontako.

KumaHebheru 11:40

ngobe Nkulunkulu abesakubonenchanti lokuncono lokusifanele kutsi abaphelelise sebakanye natsi.

KumaHebheru 11:6

Umuntfu lote kukholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako.

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

KumaHebheru 4:16

Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

KumaHebheru 7:11

Baka-Israyeli bemukela umtsetfo ngaphansi kwebaphristi. Nangabe kuphelela kwemukeleka ngebuphristi bakaLevi, sasiyawuba khona yini lesinye sidzingo semphristi ngekuma kwaMelkhisedeki, kunalowo lowemiswa ngekuma kwa-Aroni?

KumaHebheru 7:20

Ngetulu kwaloko linesifungo saNkulunkulu. Kadzeni besingentiwa sifungo nakubekwa baphristi.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

KumaHebheru 8:6

Kodvwa Khristu sewunikwe inkonzo lephakeme nalenkhulu kuneyabo, njengobe nalesivumelwane, languMlamuli waso emkhatsini waNkulunkulu nebantfu, singulesincono, ngobe sisekelwe tetsembiso letincono.

KumaHebheru 9:9

Loku ngumfanekiso waletikhatsi. Tipho nemihlatjelo lenikelwa ngaleyo ndlela lendzala kungeke kuyente ihlanteke ngalokuphelele inhlitiyo yesikhonti.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.