KumaHebheru 7:10 - Siswati 1996 Bible

¹⁰ ngobe phela Levi abeselukhalweni lwakhokho wakhe Abrahama ngesikhatsi ahlangana naMelkhisedeki.

KumaHebheru 7:10 Iomraidhean Croise

Genesisi 35:11

Nkulunkulu wachubeka watsi kuye: “NginguNkulunkulu, Somandla. Tala, wandze ube sive. Tive letinyenti titawuphuma kuwe, ube ngukhokho wemakhosi.

Genesisi 46:26

Sebabonkhe bantfu bekutalwa nguJakobe labaya eGibhithe babengema-66, ngaphandle kwabomalukatana bakakhe.

1 Emakhosi 8:19

Noko-ke wena awusiye lotangakhela lithempeli, kodvwa yindvodzana yakho, lowo loyinyama yakho naloyingati yakho cobo, nguye-ke lotakwakha lithempeli alakhele Libito lami.’

KumaHebheru 5:6

Uphindze atsi kulenye indzawo: “Wena ungumphristi loyawuhlala akhona kuze kube phakadze, ngekuma kwaMelkhisedeki.”

KumaHebheru 7:11

Baka-Israyeli bemukela umtsetfo ngaphansi kwebaphristi. Nangabe kuphelela kwemukeleka ngebuphristi bakaLevi, sasiyawuba khona yini lesinye sidzingo semphristi ngekuma kwaMelkhisedeki, kunalowo lowemiswa ngekuma kwa-Aroni?

KumaHebheru 7:5

Titukulwane taLevi letemukela buphristi tinemiyalo emtsetfweni kutsi titsatse kwelishumi kubo bonkhe bantfu. Phela bakutsatsa kubantfu besive sakubo lesaphuma ku-Abrahama.

KumaHebheru 7:9

Kungashiwo nekutsi naLevi matfupha, lowemukela kwelishumi, abekukhipha nga-Abrahama,