KumaHebheru 6:19 - Siswati 1996 Bible

¹⁹ Ngulelo litsemba letfu lemiphefumulo yetfu. Linjengesisimiso semkhumbi, lisiphephelo lesicinile, lingenisana ngekhatsi kwesihenco, endzaweni lengcwelengcwele,

KumaHebheru 6:19 Iomraidhean Croise

Tihlabelelo 39:7

Manje-ke, Nkhosi, ngisalindzeleni? Litsemba lami likuwe.

Tihlabelelo 42:11

Mphefumulo wami, udzabukeleni? Uvungamelani ngekhatsi kwami? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Tihlabelelo 42:5

Mphefumulo wami, udzabukeleni? Uvungamelani ngekhatsi kimi? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Tihlabelelo 43:5

Mphefumulo wami, udzabukeleni? Uvungamelani ngekhatsi kwami? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:2

Simakadze wakhuluma kuMosi watsi: “Tjela Aroni, umnakenu, kutsi angangeni nome ngunini emvakwendvwangu lesendzaweni lengcwelengcwele, embikwesihlalo semusa lesisebhokisini lesivumelwane funa afe, ngobe ngivela ngisefini lelisetikwesihlalo semusa.

Zakhariya 9:12

Buyelani enqabeni yenu, nine tiboshwa lese ninelitsemba, ngisho nanyalo solo ngiyamemetela, ngitsi ngitanibuyisela ngalokuphindziwe.

Matewu 27:51

Bheka, indvwangu leyayilenga ethempelini yadzabuka ekhatsi, kusukela etulu kuya phansi. Umhlaba watamatama, emadvwala achekeka ekhatsi,

Imisebenti yebaPhostoli 23:6

Kodvwa njengobe Pawula abesabonile kutsi babehlukene kabili, labanye kubaSadusi, labanye kubaFarisi, waphakamisa livi alicondzise kuleLiqoqo watsi: “Madvodza, bazalwane, mine ngingumFarisi lotalwa baFarisi; la ngimangalelwe ngelitsemba lekutsi labafile bayawuvuka baphile.”

Imisebenti yebaPhostoli 27:29

Babesaba kutsi umkhumbi wetfu ungahle uphahlateke ematjeni, ngako base behlisa tisimiso temkhumbi letine ngemuva kwemkhumbi, bafisa kutsi kuse,

Imisebenti yebaPhostoli 27:40

Ngako base bajuba tintsambo letatibambe tisimiso, batiyekela tacwila elwandle, ngaso leso sikhatsi bakhumula imiphini yekucondzisa umkhumbi, baphakamisa liseyili lelingembili, kuze kutsi umoya ufucele umkhumbi esihlabatsini lesasingembili.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseRoma 4:18

Abrahama wakholwa, wetsemba, kungekho tsemba, ngako wase uba “nguyise wetive letinyenti”, njengobe umBhalo utsi: “Titukulwane takho tiyawuba ngaka.”

KubaseRoma 5:4

Kubeketela kuveta kuciniseka, kuciniseka kudala litsemba.

1 kubaseKorinthe 13:13

Kutsatfu lokuyawuhlala kumile: kukholwa, kwetsemba, nelutsandvo. Kodvwa lokukhulu kunako konkhe lutsandvo.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

Kubase-Efesu 2:6

Wasivusa kanye naKhristu Jesu, wabuye wasihlalisa kanye naye sikuye, embusweni welizulu,

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 3:1

Nangabe-ke navuswa kanye naKhristu, funani tintfo tasezulwini lapho Khristu ahleti ngesekudla saNkulunkulu.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

KumaHebheru 4:16

Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

KumaHebheru 9:3

Ngemuva kwendvwangu yesibili bekunendzawo lebeyibitwa ngekutsi yindzawo lengcwelengcwele.

KumaHebheru 9:7

Kodvwa kulendzawo lengcwelengcwele kungena umPhristi Lomkhulu kuphela, nako angene kanye ngemnyaka, aphetse ingati yekunikelela tono takhe netalabanye bantfu labatente bangati kutsi bayona.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.