KumaHebheru 6:18 - Siswati 1996 Bible

¹⁸ Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

KumaHebheru 6:18 Iomraidhean Croise

Genesisi 19:22

Phangisa-ke ubalekele khona; ngobe ngingeke ngente lutfo ungakefiki khona.” Ngako-ke, njengobe Loti watsi lelidolobha lincane, lase letsiwa ngekutsi yiSowari.

1 Emakhosi 2:28

Jowabe weva ngaloko lekwase kwentekile. Jowabe abedudene na-Adoniya, noko akazange ahambisane na-Absalomu. Jowabe wabaleka waya ethendeni lebukhona baSimakadze, wafike wankonkoshela timphondvo telilati.

Tihlabelelo 110:4

Simakadze wafunga, futsi angeke agucuke, watsi: “Wena ungumphristi loyawuhlala akhona kuze kube phakadze ngekuma kwaMelkhisedeki.”

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Taga 3:18

Kusihlahla sekuphila kulabakuphutfumako; labo labakubamba bakunkonkoshele ngulabo labajabulako.

Taga 4:13

Bambelela emyalweni ungawuyekeli, uwulondvolote, ngobe uyimphilo yakho.

Isaya 27:5

Nome-ke wona abaleke atewubhaca kimi, akabuyisane nami, yebo, akabuyisane nami.”

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Isaya 56:4

Ngobe ngunaku lokushiwo nguSimakadze, utsi: “Batsenwa labagcina emaSabatha ami, bakhetsa kwenta lokungijabulisako, babambelele esivumelwaneni sami,

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Zakhariya 9:12

Buyelani enqabeni yenu, nine tiboshwa lese ninelitsemba, ngisho nanyalo solo ngiyamemetela, ngitsi ngitanibuyisela ngalokuphindziwe.

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Lukha 2:25

Ngaleso sikhatsi bekukhona indvodza leyayilungile yesaba Nkulunkulu, ihlala eJerusalema, libito layo kunguSimeyoni. Abelindzele indvudvuto ngensindziso yesive sema-Israyeli, Moya Longcwele abesetikwakhe.

KubaseRoma 15:5

Shangatsi Nkulunkulu, longumtfombo wekubeketela newekucinisela, anganinika kuphilelana ngekuthula lomunye kulomunye ngekwentsandvo yaKhristu Jesu,

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 3:4

Cha, akusho loko. Nkulunkulu wetsembekile, nome bonkhe bantfu bangaba nemanga, njengobe kubhaliwe kutsi: “Kukhuluma kwakho kuyabonakalisa kutsi uneliciniso; nawubekwa licala, utfolakala umsulwa.”

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseFiliphi 2:1

Ngako-ke, naninendvudvuto kuKhristu, naninekudvudvuteka kwelutsandvo, naninebudlelwane baMoya, naninesisa nesihawu,

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:27

Nkulunkulu watsandza kutsi kwateke kubo kutsi iyini ingcebo nebukhosi balemfihlakalo kubetive. Lemfihlakalo inguKhristu kini, lolitsemba lebukhosi.

KubaseKholose 1:5

Sibonga litsemba lenibekelwe lona ekhaya ezulwini, leneva ngalo kucala ngesikhatsi kushunyayelwa kini livi leliciniso, liVangeli.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

1 kuThimothi 1:1

Lencwadzi iphuma kuPawula, umphostoli waKhristu Jesu ngekutfunywa nguNkulunkulu, uMsindzisi wetfu, naKhristu Jesu lolitsemba letfu.

1 kuThimothi 6:12

Lwani kulwa lokuhle kwekukholwa, kuze uzuze kuphila lokuphakadze lowabitelwa kuko, wavuma kuvuma lokuhle embikwabofakazi labanyenti.

2 kuThimothi 2:13

Nasingetsembeki, yena uhlala etsembekile, ngobe angeke atiphikise.”

kuThithusi 1:2

Futsi ngitfunyelwe nekubaholela etsembeni lekuphila lokuphakadze, lekwatsi umhlaba ungakasekelwa kwetsenjiswa nguNkulunkulu longawacali emanga.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

KumaHebheru 3:11

Ngako-ke ekutfukutseleni kwami, ngafunga ngatsi: ‘Bangeke basangena ekuphumuleni kwami.’ ”

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

KumaHebheru 6:17

Kulabo labebafanele kwemukela loko kwakutsenjisiwe, Nkulunkulu watimisela kukukhanyisa kahle kutsi yena ngeke ayigucule injongo yakhe, ngiko nje acinisa tetsembiso takhe ngekufunga.

KumaHebheru 7:19

ngobe umtsetfo awuphelelisi lutfo. Kodvwa sesinikwe litsemba lelisha nalelincono, lesingasondzela ngalo kuNkulunkulu.

KumaHebheru 7:21

Kodvwa Jesu waba ngumphristi ngesifungo ngesikhatsi Nkulunkulu atsi: “INkhosi yente sifungo, futsi ingeke iyigucule ingcondvo yayo: ‘Wena ungumphristi loyawuhlala akhona phakadze naphakadze.’ ”

Joshuwa 20:3

kuze kutsi nakukhona lobulele umuntfu ngesiphosiso angakacondzi, abalekele khona, atewusindza kulowo longumphindziseli, losihlobo sengati salowo lambulele.

1 yaJohane 1:10

Nasitsi asikoni, simenta localemanga, nelivi lakhe alikho kitsi.

1 yaJohane 5:10

Nome ngubani lokholwa yiNdvodzana yaNkulunkulu, unebufakazi kuye; kodvwa umuntfu longakholwa kuNkulunkulu, umente localemanga, ngobe angakholwa ebufakazini lobubekwe nguNkulunkulu ngeNdvodzana yakhe.

1 Samuweli 15:29

Lowo Loyinkhatimulo yema-Israyeli akawacali emanga nome agucule umcondvo wakhe; ngobe akasiye umuntfu kutsi angaze agucule umcondvo wakhe.”