KumaHebheru 13:17 - Siswati 1996 Bible

¹⁷ Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

KumaHebheru 13:17 Iomraidhean Croise

Genesisi 16:9

Ingilosi yaSimakadze yatsi kuye: “Ncandzeka, buyela kuSarayi, umphatsi wakho, ufike utitfobe ngaphansi kwakhe.”

Eksodusi 32:31

Ngako Mosi wancandzeka wabuyela kuSimakadze, wafike watsi: “Labantfu sebatentele sono lesikhulu lesesabekako. Sebente nkulunkulu ngegolide base bayamkhonta.

Taga 5:13

Angizange ngibalalele bafundzisi bami lababengifundzisa; nome-ke kube mane ngalalela bacondzisi bami.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Hezekeli 33:2

“Ndvodzana yemuntfu, khuluma kubantfu bakini, utsi: ‘Nase ngiletsa inkemba ngimelana nelive lelitsite nebantfu balo, bese bakhetsa indvodza ibe yinye emkhatsini wabo bayente ibe ngumlindzi wabo,

Lukha 16:2

Sayibita lendvuna satsi: ‘Yini loku lengikuvako ngawe? Ngikhombise kutsi imphahla yami uyiphatsa kanjani, ngobe ungeke uchubeke ube yindvuna yami, nawuhamba ngalolunyawo!’

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

KubaseRoma 14:12

Ngako-ke, sonkhe siyawulandza ngatsi matfupha ngamunye ngamunye kuNkulunkulu.

1 kubaseKorinthe 16:16

Ngiyanincenga kutsi nibatfobele labanjalo nabo bonkhe labasebentisana nabo bashiphaneka.

Kubase-Efesu 5:21

Nitfobelane ngenca yekwesaba Khristu.

KubaseFiliphi 1:4

Ngetikhatsi tonkhe, ekuncuseni kwami, nginithandazela nonkhe ngekutfokota.

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

KubaseFiliphi 2:16

nisabapha livi lekuphila. Nanenta njalo-ke, ngiyawuba nekutibonga ngelilanga laKhristu ngekutsi angigijimelanga lite nome-ke angisebentelanga lite.

KubaseFiliphi 2:29

Ngako-ke memukeleni eNkhosini ngekutfokota konkhe; labanjalo-ke nibobatisa.

KubaseFiliphi 3:18

Phela labanyenti lenganitjela kanyenti ngabo, nanyalo nginitjela ngetinyembeti ngabo ngitsi, sebahamba batitsa tesiphambano saKhristu.

KubaseFiliphi 4:1

Ngako-ke, bazalwane bami labatsandzekako, nalengibalangatelelako, kujabula nemchele wami, manini nisime eNkhosini.

2 kubaseThesalonika 3:14

Nangabe kukhona longafuni kulalela loku lesikushoko kulencwadzi, mbukisiseni, ningahlanganyeli naye, khona atewudliwa ngemahloni.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

KumaHebheru 13:24

Hambisani bonkhe baholi benu, kanye nabo bonkhe labangcwele. Bazalwane baseTaliyane bayanihambisa.

KumaHebheru 13:7

Khumbulani baholi benu, lababekhuluma kini livi laNkulunkulu, nikhumbule kuphila kwabo nekufa kwabo netitselo tabo, bese niyabalingisa.

YaJakobe 4:7

Ngako-ke tfobelani Nkulunkulu, kodvwa nimelane naSathane, uyawunibalekela.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

1 Samuweli 8:19

Kodvwa sive sema-Israyeli sala kulalela Samuweli. Satsi: “Cha! Sifuna inkhosi letasihola.