KumaHebheru 13:15 - Siswati 1996 Bible

¹⁵ Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

KumaHebheru 13:15 Iomraidhean Croise

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 33:16

Wabe sewubuyisela lilati laSimakadze, wenta nemhlatjelo webudlelwane nemnikelo wekubonga etikwalo, watjela sonkhe sive sakaJuda kutsi asikhonte Simakadze, Nkulunkulu wema-Israyeli.

2 Tikhronike 7:6

Baphristi bema ngetindzawo tabo, njengobe kwenta nemaLevi, banetingubhu temculo, letatentiwe yinkhosi Davide, itentele kudvumisa Simakadze, letatiphindze tisetjentiswe nakambonga atsi: “Umusa wakhe ume kuze kube phakadze.” Malungana nemaLevi baphristi nabo babeshaya emacilongo, lapho onkhe ema-Israyeli aseme ngetinyawo.

Ezra 3:11

Badvumisa, babonga ngekuhlabela kuSimakadze, batsi: “Ulungile; umusa wakhe ku-Israyeli uyakuma kuze kube phakadze.” Bonkhe bantfu bamemeta kakhulu badvumisa Nkulunkulu, ngobe sisekelo sendlu yaSimakadze sasesibekiwe.

Nehemiya 12:40

Lamakwaya lamabili labehlabelela kubonga esuka atsatsa tindzawo tawo lapha ekhatsi nendlu yaNkulunkulu, nami futsi kanjalo kanye nencenye yetindvuna,

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Tihlabelelo 118:19

Ngivuleleni emasango ekulunga, kuze ngingene ngawo ngibonge Simakadze.

Tihlabelelo 119:108

Simakadze, yemukela iminikelo yami yekukudvumisa, ungifundzise imitsetfo yakho.

Tihlabelelo 18:49

Ngako-ke ngiyawukudvumisa wena, Simakadze, emkhatsini wetive, ngikugambute ngetibongelelo teLibito lakho.

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Isaya 57:19

ngidale tibongelelo etindzebeni temlomo walabalilako baka-Israyeli. Kuthula, kuthula, kulabo labakhashane nalabasedvute,” kusho Simakadze, “ngitawubaphilisa.”

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Jeremiya 33:18

ngisho nebaphristi imbala labangemaLevi, bangeke beswele indvodza letakuma embikwami njalonjalo kutekwenta iminikelo yalokutinhlavu, kanye nekwetfula imihlatjelo.’ ”

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Levithikusi 7:12

Nangabe umuntfu enta umnikelo wekubonga, uyawuletsa lomhlatjelo kanye nemipotongwane lete imbiliso lebhicwe nemafutsa, nemicatsane lebhicwe nemafutsa nemacebelengwane laphekwe ngemphuphu lecolisakele lete imbiliso lebhicwe nemafutsa.

Numeri 7:62

ingwembe yegolide lenesisindvo lesasingemagremu labengaba li-110, igcwele imphepho;

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Lukha 10:21

Ngaso leso sikhatsi Jesu wajabula kuMoya Longcwele, watsi: “Yebo, Babe, Nkhosi yelizulu nemhlaba, konkhe loku utifihlele tati netihlakaniphi, kodvwa wakwembula kubantfwana. Yebo, Babe, loko kwaba yintsandvo yakho.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

Kubase-Efesu 2:18

Ngobe ngaye sobabili sinekungena ngaMoya munye kuYise.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.