KumaHebheru 12:23 - Siswati 1996 Bible

²³ kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,

KumaHebheru 12:23 Iomraidhean Croise

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Tihlabelelo 111:1

Haleluya, dvumisani Simakadze! Ngiyawubonga Simakadze ngenhlitiyo yami yonkhe, ngimbonge emihlanganweni yalabacotfo, neyalabangcwele.

Tihlabelelo 69:28

Abesulwe encwadzini yekuphila, bangabhaliswa ndzawonye nalabalungile.

Tihlabelelo 89:27

Ngiyawumenta abe litubulo, abe yinkhosi lephakeme kunemakhosi emhlaba.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Eksodusi 13:2

“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”

Eksodusi 32:32

Kodvwa ngiyakucela umane ubatsetselele; nangabe awubatsetseleli, kuncono nami wesule libito lami encwadzini yakho loyibhalile.”

Eksodusi 4:22

Ubokhuluma kuFaro utsi: ‘Simakadze utsi: Israyeli litubulo lami.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

Johane 5:27

Uyiphile emandla ekwehlulela, ngobe iyiNdvodzana yemuntfu.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

1 kubaseKorinthe 15:49

Futsi-ke njengobe sinelufuto lwalona lowelutfuli, kanjalo siyawuba nelufuto lwalona wasezulwini.

1 kubaseKorinthe 15:54

Nangabe loko lokubolako sekwembetse kungaboli, naloku lokufako sekwembetse kungafi, kutawube sekugcwaliseke livi lelibhaliwe lelitsi: “Kufa kumitwe kuncoba.”

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

Kubase-Efesu 1:22

Nkulunkulu wabeka konkhe ngaphansi kwemandla akhe, wambeka kutsi abe yinhloko etikwako konkhe ebandleni.

Dutheronomi 21:17

Kufanele iyemukele lendvodzana letalwa ngulesaliwakati sayo kutsi ilitubulo ngekuyinika sabelo sayo lesiphindvwe kabili kuko konkhe lenako. Leyo ndvodzana nguyona iluphawu lwekucala lwemandla eyise. Lilungelo lebutubulo layo.”

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

1 kuThimothi 3:5

Kodvwa nangabe indvodza yehluleka kuphatsa umuti wayo, pho, ingaliphatsa kanjani libandla laNkulunkulu?

KumaHebheru 11:4

Ngekukholwa Abela wanikela kuNkulunkulu ngemnikelo lowemukelekako kunewaKhayini. Ngiko lokwamenta wemukeleka njengemuntfu lolungile kuNkulunkulu, ngobe loko kwafakazeleka ngekutsi Nkulunkulu emukele tipho takhe. Nanyalo usakhuluma ngekukholwa kwakhe nome sekadze afa.

KumaHebheru 11:40

ngobe Nkulunkulu abesakubonenchanti lokuncono lokusifanele kutsi abaphelelise sebakanye natsi.

KumaHebheru 2:12

utsi: “Ngiyawushumayela kubomnaketfu libito lakho, ngihlabelele ngawe emkhatsini welibandla.”

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

YaJakobe 1:18

Ngekwentsandvo yakhe wasitala ngelivi leliciniso, khona sitekuba ngematubulo ato tonkhe tidalwa takhe.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 6:11

Ngamunye ngamunye wabo wase unikwa ingubo lemhlophe; batjelwa kutsi ase baphumule kancane, kuze kuphelele linani lalababetinceku kanye nabo nebazalwane babo, lababesetawubulawa njengabo.

Sembulo 6:9

Latsi liWundlu nalicatulula luphawu lwesihlanu, ngabona lilati, ngaphansi kwalo kunemiphefumulo yalabo lababebulawelwe livi laNkulunkulu nebufakazi lababenabo.