Kubase-Efesu 5:10 - Siswati 1996 Bible

¹⁰ Yetamani kufundza lokutfokotisa iNkhosi.

Kubase-Efesu 5:10 Iomraidhean Croise

Tihlabelelo 19:14

Emavi emlomo wami netizindlo tenhlitiyo yami atemukeleke kuwe, Simakadze, Dvwala lami, neMkhululi wami.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Isaya 58:5

Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?

Jeremiya 6:20

Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”

KubaseRoma 14:18

Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

KubaseKholose 1:10

Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.

1 kubaseThesalonika 5:21

Hlolisisani konkhe, nibambisise lokulungile,

1 kuThimothi 2:3

Loku kuhle, kuyemukeleka kuNkulunkulu uMsindzisi wetfu,

1 kuThimothi 5:4

Nangabe umfelokati anebantfwana nome batukulu, abacale bakhombise inhlonipho yekukholwa kwabo emakhaya kubo, babuyisele kubonga kwabo kulabo lababakhulisile, ngobe nguloko lokuhle emehlweni aNkulunkulu.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

1 yaPhetro 2:20

Sikhona yini sibusiso lenifanele kusitfola, nanibeketelela kushaywa, ngobe nente lokubi? Kepha nanibeketelela kuhlushwa, ngobe nente lokuhle, Nkulunkulu utawunibusisa ngako.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 Samuweli 17:39

Davide wabophela inkemba yakhe kulengubo yakhe, wabe sewetama kuhambahamba, ngobe abengakakwetayeli. Davide wakhuluma kuSawula watsi: “Ngiyehluleka kuhamba ngifake letimphahla, angikatetayeli.” Wase uyatikhumula.