KubaseRoma 8:32 - Siswati 1996 Bible

³² Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

KubaseRoma 8:32 Iomraidhean Croise

Genesisi 22:12

Yatsi: “Ungacali ubeke sandla kulomfana, futsi ungenti lutfo kuye; ngobe manje sengiyati kutsi uyamesaba Nkulunkulu, ngekutsi awukangigodleli indvodzana yakho lekukuphela kwayo.”

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

KubaseRoma 11:21

Ngobe nangabe Nkulunkulu angazange awaphephise emagala emvelo, kuyakhanya kutsi nawe angeke akuphephise.

KubaseRoma 4:25

Wanikelelwa kutsi afe ngenca yetiphambuko tetfu, wavuswa khona atewusenta semukeleke kuNkulunkulu kutsi silungile.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

1 kubaseKorinthe 2:12

Kodvwa tsine asikanikwa wona umoya welive; kepha sinikwe Moya lovela kuNkulunkulu, khona sitekwati lesikuphiwe nguNkulunkulu ngemusa wakhe.

2 kubaseKorinthe 4:15

Ngobe konkhe loko kwentelwa nine, kuze kutsi umusa usenabela kubantfu labanyenti, kwandziswe kubonga kwabo, kube ludvumo kuNkulunkulu.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

1 yaJohane 4:10

Ngulolo-ke lutsandvo, hhayi kutsi ngitsi lesatsandza Nkulunkulu, kepha kutsi nguye lowasitsandza, wadzimate watfumela iNdvodzana yakhe kutsi ibe yinhlawulo yetono tetfu.

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.