KubaseRoma 7:23 - Siswati 1996 Bible

²³ Kodvwa ngibona umtsetfo lomunye losebenta emalungeni ami ulwa nemtsetfo wengcondvo yami. Ungenta ngibe sigcili semtsetfo wesono lesihlala emalungeni ami.

KubaseRoma 7:23 Iomraidhean Croise

Tihlabelelo 142:7

Ngikhulule kulelijele lengikulo, kuze ngitewubonga libito lakho. Labalungile bayawungihaca, ngobe wena uyawungiphatsa kahle.

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

KubaseRoma 6:13

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

KubaseRoma 7:14

Siyati kutsi umtsetfo waMoya, kodvwa mine ngingumuntfu wemhlaba, lotsengiswe esonweni.

KubaseRoma 7:21

Ngako ngikhandza kutsi kunemtsetfo losebenta kimi: Nangifuna kwenta lokulungile, lokubi kunami shaqa.

KubaseRoma 7:25

Akabongwe Nkulunkulu ngeNkhosi yetfu Jesu Khristu! Ngako-ke mine ngekwami ngikhonta umtsetfo waNkulunkulu ngengcondvo yami, kodvwa ngekwemvelo yami ngikhonta umtsetfo wesono.

KubaseRoma 7:5

Ngesikhatsi sisaphila ngekwelive tinkhanuko tetono letativusetelwa ngumtsetfo tasebenta etitfweni temitimba yetfu, sasisebentela kufa.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

KubaseGalathiya 5:17

Ngobe inyama ikhanuka lokuphambene naMoya, naMoya, uphambene nenyama, ngobe kokubili kuyaphikisana, kuze ningetikwenta lenikutsandzako.

KumaHebheru 12:4

Nisengakemelani nesono, kudzimate kucitseke ingati yenu.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

YaJakobe 4:1

Letimphi nalokulwa kuphumaphi emkhatsini wenu? Akuchamuki yini etinkhanukweni tenu letilwa etitfweni tenu?

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.