KubaseRoma 7:22 - Siswati 1996 Bible

²² Ngobe ngekwemuntfu longekhatsi ngitfokotela umtsetfo waNkulunkulu.

KubaseRoma 7:22 Iomraidhean Croise

Jobe 23:12

Angikesuki emiyalweni yetindzebe takhe. Emavi emlomo wakhe ngiwente aba ligugu kwendlula kudla kwami kwemalanga onkhe.

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Tihlabelelo 119:111

Timiso takho tilifa lami laphakadze, yebo, tiyinjabulo yenhlitiyo yami.

Tihlabelelo 119:113

Ngiyabatondza bantfu labamphacambili, kodvwa umtsetfo wakho ngiyawutsandza.

Tihlabelelo 119:127

Imiyalo yakho ngiyitsandza kakhulu, kwendlula igolide, ngisho igolide lecengeke kakhulu.

Tihlabelelo 119:16

Ngiyawutfokota ngetimiso takho; ngingeke ngilikhohlwe livi lakho.

Tihlabelelo 119:167

Ngigcina timfundziso takho, ngobe ngititsandza ngenhlitiyo yami yonkhe.

Tihlabelelo 119:174

Ngomele insindziso yakho, Simakadze, nemtsetfo wakho ukujabula kwami.

Tihlabelelo 119:24

Timfundziso takho tikujabula kwami, ngito letibeluleki bami.

Tihlabelelo 119:35

Ngiholele endleleni yemiyalo yakho, ngobe lendlela iyinjabulo yami.

Tihlabelelo 119:72

Umtsetfo lophuma emlonyeni wakho muhle kunemali yonkhe yemhlaba.

Tihlabelelo 119:92

Kube umtsetfo wakho bewungesiyo injabulo yami, ngabe sengabhubhela ekuhluphekeni kwami.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Ingoma Yetingoma 5:3

Ngiwukhumulile umjiva wami, ngiphindze ngiwembatse yini? Ngitigezile tinyawo tami, ngiphindze ngitingcolise yini?

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Levithikusi 13:39

kufanele umphristi amhlolisise. Nangabe amhlophe, kutawube kukucubuka lokungesiyo ingoti emtimbeni; lowo muntfu uhlantekile.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

KubaseRoma 2:29

Kodvwa umJuda weliciniso ngumuntfu longumJuda ngekhatsi, lokusho kutsi, usoke enhlitiyweni ngaMoya, hhayi ngalokubhaliwe. Umuntfu lonjalo-ke ubongeka kuNkulunkulu, hhayi kubantfu.

KubaseRoma 8:7

Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.

2 kubaseKorinthe 4:16

Ngako-ke asidzinwa; nome lingephandle letfu libhubha, kodvwa lingekhatsi lentiwa libe lisha imihla ngemihla.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

KubaseKholose 3:9

Ningakhulumelani emanga, ngobe senikhumule umuntfu lomdzala kanye nemikhuba yakhe.

KumaHebheru 8:10

“Ngulesi-ke sivumelwane lengiyawusenta nendlu yaka-Israyeli ngetikhatsi letitako,” isho iNkhosi, itsi: “Ngiyawufaka imisetfo yami etingcondvweni tabo, ngiyibhale etinhlitiyweni tabo, ngibe nguNkulunkulu wabo, bona babe sive sami.

1 yaPhetro 3:4

Kodvwa akube kuhloba kwemuntfu longekhatsi, lohloba ngalokungabhubhi kwemoya lomnene nalonekuthula, lokuligugu lelimcoka emehlweni aNkulunkulu.