KubaseRoma 6:13 - Siswati 1996 Bible

¹³ Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

KubaseRoma 6:13 Iomraidhean Croise

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

Tihlabelelo 37:30

Tindzebe talolungile tikhuluma inhlakanipho, lulwimi lwakhe lukhuluma loko lokufanele.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Lukha 15:24

Ngobe lendvodzana yami beyifile, kodvwa nyalo seyiyaphila; beyilahlekile, kodvwa nyalo seyitfolakele.’ Ngako kwase kuyadliwa, kuyajatjulwa.

Lukha 15:32

Kepha kusifanele kutsi sijabule sidle ngekutfokota, ngobe umnakenu abefile, kepha manje sewuyaphila; abelahlekile, kepha manje sewutfolakele.’ ”

Johane 5:24

“Ngicinisile, ngicinisile, ngitsi kini: Lowo lova livi lami akholwe ngulongitfumile, unekuphila lokuphakadze. Akayi ekwehlulelweni, kodvwa sewuphumile ekufeni, wangena ekuphileni.

KubaseRoma 1:29

Bagcwele tonkhe tinhlobo tebubi: kona, nekuhawukela, nekuzindlekela; bagcwele umona, nekubulala, nekulwa, nemacebo, nebucili, nenhlebo.

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 6:11

Kanjalo nani kufanele nitsatse ngekutsi nifile nehlukana nesono, kodvwa niphilela Nkulunkulu nikuKhristu Jesu.

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

KubaseRoma 7:23

Kodvwa ngibona umtsetfo lomunye losebenta emalungeni ami ulwa nemtsetfo wengcondvo yami. Ungenta ngibe sigcili semtsetfo wesono lesihlala emalungeni ami.

KubaseRoma 7:5

Ngesikhatsi sisaphila ngekwelive tinkhanuko tetono letativusetelwa ngumtsetfo tasebenta etitfweni temitimba yetfu, sasisebentela kufa.

1 kubaseKorinthe 6:15

Anati yini kutsi imitimba yenu ititfo taKhristu? Pho, ngingatsatsa titfo taKhristu ngitente titfo tengwadla nome tesiphingi? Cha, ngeke!

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

2 kubaseKorinthe 10:4

Tikhali lesilwa ngato akusito telive, kodvwa tikhali taNkulunkulu letinemandla ekubhidlita tinqaba, ticitse tinkhulumo letingenamsebenti.

2 kubaseKorinthe 5:14

Lutsandvo lwaKhristu luyasichuba. Sesidzimate sefika kunasi siphetfo sekutsi: Munye lowafela bonkhe; ngako-ke bonkhe bafa.

2 kubaseKorinthe 5:15

Wabafela bonkhe, kuze kutsi bonkhe labo labafela bangabe basatiphilela, kodvwa baphilele yena lowabafela waphindze wavuselwa bona.

2 kubaseKorinthe 8:5

Loko-ke sasingakakubheki; ngobe bacale batinikela bona eNkhosini, base-ke batetfula kitsi ngekwentsandvo yaNkulunkulu.

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

Dutheronomi 25:16

Ngobe Simakadze Nkulunkulu wenu uyamtondza umuntfu lowenta letintfo, nome ngangubani lowenta tintfo ngekungetsembeki.”

KubaseFiliphi 1:20

Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseKholose 2:13

Nani-ke lebenifile ngekona kwenu nangekungasoki emtimbeni wenu, Nkulunkulu sewanenta labaphilako kanye naye ngekunitsetselela tonkhe tono tenu.

KubaseKholose 3:5

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

2 kubaseThesalonika 2:12

Ngako-ke bonkhe labo labangazange balikholwe liciniso, kodvwa baba nenjabulo kuloko lokungakalungi, bayakwehlulelwa ngekulahlwa.

2 kuThimothi 2:15

Khutsalela kutiveta wemukelekile kuNkulunkulu, ube sisebenti lesetsembekile kuye lesite emahloni nalesiliphakela kahle livi leliciniso.

YaJakobe 4:1

Letimphi nalokulwa kuphumaphi emkhatsini wenu? Akuchamuki yini etinkhanukweni tenu letilwa etitfweni tenu?

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

1 yaPhetro 4:2

Ngako ngesikhatsi nisesemhlabeni, ningabe nisaphila ngetinkhanuko talelive, kodvwa ngentsandvo yaNkulunkulu.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.