KubaseRoma 3:26 - Siswati 1996 Bible

²⁶ ngenca yekubeketela kwakhe. Kodvwa kwanyalo Nkulunkulu sewubonakalisa kulunga kwakhe, kuze kukhanye kutsi yena ulungile nekutsi wonkhe umuntfu lokholwa nguJesu uyamemukela kutsi ulungile.

KubaseRoma 3:26 Iomraidhean Croise

Isaya 42:21

Kwamjabulisa Simakadze ngenca yekulunga kwakhe kutsi ente umtsetfo wakhe ube mkhulu, futsi ube neludvumo.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Zefaniya 3:15

Simakadze usisusile sijeziso sakho, watincandzekisa netitsa takho. Simakadze, iNkhosi yaka-Israyeli, inawe; ungeke uphindze wesabe nome nguyiphi ingoti.

Zefaniya 3:5

Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Lukha 1:80

Umntfwana wakhula waba nemandla emoyeni; wahlala ehlane, kwaze kwaba lilanga lavela ngalo ebaleni kubantfu baka-Israyeli.

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

KubaseRoma 3:27

Pho-ke, singatigabatisa ngani? Kute! Ngasiphi sizatfu? Ngesizatfu semisebenti yini? Cha, kodvwa ngesizatfu sekukholwa.

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

KubaseRoma 4:5

Kodvwa nangabe umuntfu angaketsembeli emisebentini yakhe lemihle kodvwa ngekukholwa etsembele kulowo lolungisisa longamesabi Nkulunkulu, kukholwa kwakhe nguko lokumenta emukeleke kuNkulunkulu kutsi ulungile.

KubaseRoma 8:33

Ngubani loyakumangalela bantfu baNkulunkulu labakhetsiwe? Kute: Ngobe ukhona Nkulunkulu lowenta umuntfu emukeleke kuye kutsi ulungile.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.