KubaseRoma 2:25 - Siswati 1996 Bible

²⁵ Kusoka kwakho kunalo lusito nawugcina umtsetfo, kepha nawephula umtsetfo kusoka kwakho kuyafanana nekungasoki.

KubaseRoma 2:25 Iomraidhean Croise

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 2:23

Utigabatisa ngekuba nemtsetfo waNkulunkulu, kepha umhlaziselani Nkulunkulu ngekwephula umtsetfo wakhe?

KubaseRoma 2:26

Nangabe wetive, longakasoki, agcina imiyalo yemtsetfo, angeke yini Nkulunkulu amtsatse njengemuntfu losokile?

KubaseRoma 2:27

Ngako-ke wena mJuda, uyawulahlwa ngumuntfu wetive, ngekutsi yena ugcina umtsetfo nome angazange asasoke enyameni, ngobe wena wephula umtsetfo nome unawo ubhalwe phansi, kantsi futsi usokile.

KubaseRoma 2:28

UmJuda akusiye umJuda ngalokubonakalako, nekusoka akusiko loko lokubonakala emehlweni kuphela.

1 kubaseKorinthe 7:19

Kusoka akusho lutfo, nekungasoki akusho lutfo. Lokusho lutfo kugcina imiyalo yaNkulunkulu.

KubaseGalathiya 6:13

Ngobe nemaJuda akakwenti lokufunwa ngumtsetfo, kodvwa bafisa kutsi nine nisoke, kuze phela batetigabatisa ngani kuloko.

KubaseGalathiya 6:15

Ngobe kusoka nekungasoki akusilutfo kodvwa kuphela kudalwa kabusha.

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.