KubaseRoma 2:13 - Siswati 1996 Bible

¹³ Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 2:13 Iomraidhean Croise

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Jeremiya 11:6

Simakadze wakhuluma kimi, watsi: “Wamemetele onkhe lamavi emadolobheni akaJuda nasetitaladini taseJerusalema, utsi: ‘Lalelani timiso talesivumelwane, nitilandzele.

Hezekeli 20:11

Ngabanika timiso tami, ngabatisa imitsetfo yami, ngobe umuntfu loyilalelako uyawuphila ngayo.

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

Lukha 8:21

Kodvwa yena watsi: “Make nabomnaketfu ngulabo labeva livi laNkulunkulu balente.”

Johane 13:17

Nanitati-ke letintfo futsi nitenta, nibusisiwe.

KubaseRoma 10:5

Macondzana nekulunga lokutfolakala ngekugcina umtsetfo Mosi wabhala watsi: “Umuntfu lowenta lokufunwa ngumtsetfo uyawuphila ngako.”

KubaseRoma 2:25

Kusoka kwakho kunalo lusito nawugcina umtsetfo, kepha nawephula umtsetfo kusoka kwakho kuyafanana nekungasoki.

KubaseRoma 3:20

Ngobe kute umuntfu loyakwemukeleka kuNkulunkulu kutsi ulungile ngekugcina umtsetfo. Umtsetfo wenta bantfu basati sono.

KubaseRoma 3:23

Bonkhe bantfu bonile, bakhashane kakhulu nenkhatimulo yaNkulunkulu.

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

1 kubaseKorinthe 4:4

Ngobe angitikhobosi ngalutfo ngekwami, noko-ke akusho kutsi loko kungenta ngemukeleke kuNkulunkulu kutsi ngilungile. Kodvwa yiNkhosi lengehlulelako.

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

KubaseGalathiya 5:4

Nine lenifuna kwemukeleka kuNkulunkulu kutsi nilungile ngekwenta lokufunwa ngumtsetfo nitehlukanisile naKhristu, ningephandle kwemusa waNkulunkulu.

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Dutheronomi 6:3

Lalelani, ma-Israyeli, nicaphelisise kutsi niyalalela, khona kutanihambela kahle nekutsi nandze kakhulu kulelo live leligcwele lubisi neluju lwetinyosi, njengobe Simakadze Nkulunkulu waboyihlo anetsembisa.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

1 yaJohane 3:7

Bantfwabami, ningayengwa ngumuntfu; umuntfu lowenta kulunga ulungile, njengobe naKhristu alungile.