KubaseRoma 15:24 - Siswati 1996 Bible

²⁴ ngiyetsemba kutsi ngitakwendlula nginibone nase ngiya eSpaniya. Nase ngijabule nani sikhashane ngetsemba kutsi niyawungisita ngemalungiselelo nasengichubeka neluhambo lwami.

KubaseRoma 15:24 Iomraidhean Croise

Taga 25:17

Ungavamisi kuvakashela makhwelwane wakho, funa adzinwe nguwe bese uyakutondza.

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 19:21

Emvakwaloko Pawula watimisela emoyeni wakhe kudzabula eMasedoniya nase-Akhaya aze ayewufika eJerusalema, atsi: “Nangisuka kuletindzawo kufanele ngifike naseRoma.”

Imisebenti yebaPhostoli 21:5

Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

KubaseRoma 1:12

Ngisho kutsi nine nami sitewusitakala kanyekanye, nine ngekukholwa kwami, nami ngekukholwa kwenu.

KubaseRoma 15:28

Nase ngikucedzile loko, sengibaniketile lokunikelwe, ngiyawuchubeka ngendlela yakini ngiye eSpaniya.

2 kubaseKorinthe 1:16

Ngangitimisele kwendlula kini, ngisaya eMasedoniya nome sengibuya khona, kuze ningisite nase ngiya eJudiya.

3 yaJohane 1:6

labafakaze ngelutsandvo lwakho ebandleni. Utabe wente kahle ngekubahlinzeka ngako konkhe labangahle bakudzinge, ngiko loko lokufanelekile emsebentini waNkulunkulu.