KubaseRoma 14:23 - Siswati 1996 Bible

²³ Kodvwa lowo lonekungabata ngalakudlako, sewulahliwe, ngobe ukwenta ngekungakholwa; phela konkhe lokungesiko kwekukholwa, kusono.

KubaseRoma 14:23 Iomraidhean Croise

KubaseRoma 13:2

Ngako-ke lowo lomelana nemandla embuso umelana nalokumiswe nguNkulunkulu, nalabo labenta loko batibangela kwehlulelwa.

KubaseRoma 14:5

Lomunye umuntfu ucabanga kutsi lelinye lilanga libaluleke kakhulu kunalamanye, kantsi lomunye umuntfu ucabanga kutsi onkhe emalanga ayafanana. Ngulowo nalowo kufanele eneliseke ngalokuphelele engcondvweni yakhe.

1 kubaseKorinthe 8:7

Kepha akusibo bonkhe bantfu labakwatiko loko. Labanye betayele tithico ngisho nalamuhla, bakudla nje shangatsi kuhlatjelwe sithico; ngaloko-ke nembeza wabo lobutsakatsaka uyabalahla.

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.

KumaHebheru 11:6

Umuntfu lote kukholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako.