KubaseRoma 14:19 - Siswati 1996 Bible

¹⁹ Ngako-ke, asilangatelele lokuletsa kuthula nekwakhana.

KubaseRoma 14:19 Iomraidhean Croise

Tihlabelelo 133:1

Maye, kuhle kumnandzi kuhlalisana kwebazalwane ngekuvana.

Tihlabelelo 34:14

Khwesha kulokubi wente lokuhle; funisisa kuthula, ukubambisise.

Matewu 5:9

Babusisiwe labalamulako, ngobe bayawutsiwa bantfwana baNkulunkulu.

Makho 9:50

“Luswayi lona luhle, kodvwa luswayi nase lulahlekelwe bunandzi balo, buyawubuyiselwa ngani? “Banini neluswayi ngekhatsi kwenu, nibe nekuthula lomunye kulomunye, nivane.”

KubaseRoma 12:18

Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.

KubaseRoma 15:2

Ngako-ke akube ngulowo ajabulise makhelwane wakhe, khona atekwakheka.

1 kubaseKorinthe 10:23

Nitsi: “Kuvumelekile konkhe,” kodvwa akusiti konkhe. “Kuvumelekile konkhe,” kodvwa akwakhi konkhe.

1 kubaseKorinthe 10:33

njengobe nami ngijabulisa bonkhe bantfu ngako konkhe, ngingafuni kutisita mine, kodvwa ngifuna kusita labanyenti, kuze kutsi basindziswe.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

1 kubaseKorinthe 14:3

Kube kani lophrofethako ukhuluma kubantfu kutsi bakheke, bakhutsateke, badvudvuteke.

1 kubaseKorinthe 14:4

Lokhuluma ngetilimi utakha yena, kodvwa lophrofethako wakha libandla.

1 kubaseKorinthe 14:5

Yebo-kona bengingatsandza kutsi nonkhe nikhulume ngetilimi, kepha bengingatsandza kakhulu kutsi niphrofethe. Vele-ke mkhulu lophrofethako kunalowo lokhuluma ngetilimi, ngaphandle kwekutsi atihumushe, khona kutewusitakala libandla, lakheke.

1 kubaseKorinthe 7:15

Kepha nangabe longakholwa afuna kwehlukana naye, akehlukane naye. Umzalwane nome-ke umzalwanekati ukhululekile kulokunjalo. Nkulunkulu unibitele kutsi nibe nekuthula.

1 kubaseKorinthe 8:1

Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

2 kubaseKorinthe 12:19

Beningacabangi yini kutsi sonkhe lesikhatsi besitivikela kini? Batsandzekako, konkhe loku besikukhuluma kuKhristu embikwaNkulunkulu, kuze nitekwakheka.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

1 kuThimothi 1:4

Ubayale nekutsi bangatinaki tinganekwane nemilandvo lengapheli yetitukulwane. Konkhe loku kubanga kuphikisana lokungasiti lutfo esikhundleni sekutsi kuphumelelise kusebentela Nkulunkulu ngekukholwa.

2 kuThimothi 2:22

Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

1 yaPhetro 3:11

Akakhweshe kulokubi ente lokulungile; akajonge kuthula ngemandla akhe onkhe.