KubaseRoma 1:30 - Siswati 1996 Bible

³⁰ Bakhuluma kabi ngalabanye, batondze Nkulunkulu, bangahloniphi, batigcabhe, batikhukhumete, bacambe lokubi, bangahloniphi batali babo;

KubaseRoma 1:30 Iomraidhean Croise

1 Emakhosi 20:11

Inkhosi yaka-Israyeli yaphendvula, yatsi: “Nibomtjela kutsi saga sitsi: ‘Lowo lotewuhlasela akatigabatisi asengakalwi, kodvwa loko ukwenta emvakwemphi asalwile.’ ”

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

2 Tikhronike 25:19

Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Tihlabelelo 106:39

Batingcolisa ngetintfo lababetenta, bangete betsembeka kuNkulunkulu, bafana netiphingi.

Tihlabelelo 49:6

labatsembele badzimate bachosha ngebunyenti bengcebo yabo?

Tihlabelelo 5:5

Labatigabatisako bashayeka phansi nawubhekisa buso bakho ngakubo. Uyabatondza bonkhe labenta lokubi.

Tihlabelelo 52:1

Wena sichwaga, utigabatiselani ngalokubi? Umusa waNkulunkulu uyawuma kuze kube phakadze.

Tihlabelelo 81:15

Labangitondzako bebetawuta embikwami, bete bashosha phansi ngemadvolo, kujeziswa kwabo kuhlale ingunaphakadze.

Tihlabelelo 94:4

Kuyawuze kube ngunini lababi batidla bakhuluma kabi bahlambalata?

Tihlabelelo 97:7

Bayahlazeka badliwe ngemahloni bonkhe labakhonta tithico, bachoshe ngetithico letingenamsebenti. Bonkhe bonkulunkulu bakhotsama kuSimakadze.

Tihlabelelo 99:8

Yebo, Simakadze, Nkulunkulu wetfu, wabaphendvula wena, waba nguNkulunkulu lotsetselelako kubo, noko wabajezisa ngenca yetono tabo.

Taga 24:8

Umuntfu lohlose kwenta lokubi uyawuba neludvumo lolubi.

Taga 25:23

Njengobe umoya wasenyakatfo uletsa imvula, kanjalo nenhlebo iletsa kutfukutsela.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Umshumayeli 7:29

Naku kuphela lengikutfolile: kutsi Nkulunkulu wadala umuntfu, wamenta waba ngulocondzile, kodvwa bantfu besuka bayawufuna emachinga abo lamanyenti.”

Hezekeli 14:5

Loko ngiyawukwenta kuze ngitetibamba kabusha tinhlitiyo tebantfu baka-Israyeli, lase bangilahle bonkhe baya etithicweni tabo.’

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Numeri 10:35

Kwakutsi njalo nakuphuma libhokisi lesivumelwane, Mosi atsi: “Phakama Simakadze, uhlakate titsa takho, ubacoshe labo labakutondzako.”

Matewu 15:4

Ngobe Nkulunkulu watsi: ‘Hlonipha uyihlo nenyoko,’ nekutsi: ‘Wonkhe lokhuluma kabi ngeyise nome ngenina, ufanele afe nekufa.’

Matewu 16:21

Kusukela lapho Jesu wacala wakhuluma ngalokusebaleni nebafundzi bakhe watsi: “Kufanele ngiye eJerusalema, ngiyewuhlushwa tibondza telibandla, nebaphristi labakhulu, nebafundzisi bemtsetfo. Ngitawubulawa, kodvwa ngelilanga lesitsatfu ngiyawuvuswa.”

Lukha 21:16

Niyawunikelwa ngisho nabatali benu, nabomnakenu, netihlobo tenu, nebangani benu; labanye benu bayawubulawa nekubulawa.

Johane 7:7

Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

Imisebenti yebaPhostoli 5:36

Kuleta tikhatsi letendlula kwake kwachamuka Thoyidasi, watibeka embili ngekutsi ungumuntfu lomkhulu; bantfu labangema-400 bamlandzela. Kodvwa wabulawa, kwase kutsi bonkhe balandzeli bakhe basakateka, kwaba kuphela kwakhe njalo.

KubaseRoma 2:17

Ase ufanekise ngawe. Wena uliJuda, wetsembele emtsetfweni, futsi utigabatisa ngekutsi Nkulunkulu wakho.

KubaseRoma 2:23

Utigabatisa ngekuba nemtsetfo waNkulunkulu, kepha umhlaziselani Nkulunkulu ngekwephula umtsetfo wakhe?

KubaseRoma 3:27

Pho-ke, singatigabatisa ngani? Kute! Ngasiphi sizatfu? Ngesizatfu semisebenti yini? Cha, kodvwa ngesizatfu sekukholwa.

2 kubaseKorinthe 10:15

Asitigabatisi ngephandle kwemaphetselo ngalokwentiwe ngulabanye, kodvwa siyetsemba kutsi nisakhula ekukholweni, nemsebenti wetfu utakwandza emkhatsini wenu,

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

Dutheronomi 27:16

“ ‘Ucalekisiwe umuntfu lowedzelela uyise nome unina.’ “Bonkhe bantfu bayawuphendvula batsi: ‘Amen.’

Dutheronomi 7:10

kodvwa labo labamtondzako uyawuphindzisela kubo yena matfupha ngekubabhubhisa; angeke alibale kuphindzisela kubo babukile labo labamtondzako.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.

2 kuThimothi 3:2

Bantfu bayawutitsandza, batsandze imali, batigcabhe, batigabatise, balulate Nkulunkulu ngenhlamba. Bayawuba ngulabangalaleli batali babo, bangabongi, babete bungcwele,

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

YaJakobe 3:5

Kanjalo nelulwimi lusitfo lesincane, kantsi lutigabatisa ngetintfo letinkhulu. Ase nibuke nje umlilo lomncane wokhela lihlatsi lelikhulu!

YaJakobe 4:16

Kepha manje niyatibonga ngekutigabatisa kwenu. Konkhe kutigabatisa lokunjalo kubi.

2 yaPhetro 2:18

Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.

YaJuda 1:16

Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.