KubaseGalathiya 3:18 - Siswati 1996 Bible

¹⁸ Ngobe nangabe lifa litfolakala ngekwenta lokufunwa ngumtsetfo, alisesilo-ke lesetsembiso; kodvwa Nkulunkulu walinika Abrahama ngesetsembiso.

KubaseGalathiya 3:18 Iomraidhean Croise

Tihlabelelo 105:42

Ngobe wakhumbula livi lakhe lelingcwele, lalikhuluma ku-Abrahama, inceku yakhe.

KubaseRoma 8:17

Njengobe sibantfwana bakhe nje, sitindlalifa futsi: Sitindlalifa taNkulunkulu, yebo, sitindlalifa kanye naKhristu; nangabe phela sihlupheka kanye naye siyawukhatimuliswa kanye naye.

KubaseGalathiya 2:21

Angiwenti lite umusa waNkulunkulu; ngobe nangabe kulunga kutfolakala ngekwenta lokufunwa ngumtsetfo, kusho kutsi Khristu wafela lite.

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

KubaseGalathiya 3:12

Umtsetfo awukasimi ekukholweni, kodvwa “lowo lowentako uyawuphila ngawo.”

KubaseGalathiya 3:16

Mayelana netetsembiso letanikwa Abrahama nentalo yakhe: “Intalo” yinye, hhayi lenyenti. Akukhulunywa ngalenyenti, kodvwa kushiwo yinye; leyo-ke nguKhristu.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 3:29

Nangabe-ke nibaKhristu, niyintalelwana ya-Abrahama, nitindlalifa ngekwesetsembiso.