Joshuwa 14:4 - Siswati 1996 Bible

⁴ ngobe emadvodzana aJosefa abesative letimbili: sive sakaManase, nesaka-Efrayimu. EmaLevi akazange abelwe live, kodvwa abelwa emadolobha lapho abetawuhlala khona, abelwa nemadlelo etifuyo tawo.

Joshuwa 14:4 Iomraidhean Croise

Genesisi 41:51

Lona wekucala Josefa wametsa libito watsi nguManase, ngobe ngaloko abesho kutsi: “Nkulunkulu ungente ngakhohlwa konkhe kuhlupheka kwami nemndeni waketfu.”

Genesisi 41:52

Lona wesibili Josefa wametsa libito watsi ngu-Efrayimu, ngaloko abesho kutsi: “Nkulunkulu ungiphe bantfwana eveni lekuhlupheka kwami.”

Genesisi 46:20

Eveni laseGibhithe Josefa watalelwa boManase na-Efrayimu; lamtalela bona Asenathi, indvodzakati ya-Photifera, umphristi wase-Oni.

Genesisi 48:1

Emvakwaloko Josefa wabikelwa kutsi uyise uyagula. Ngako-ke Josefa wesuka watsatsa emadvodzana akhe omabili boManase na-Efrayimu, waya nawo kuyise.

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

Genesisi 48:6

Bantfwana lotawubatala emvakwabo batawuba bakho, hhayi bami; lifa labo liyawubitwa ngemagama alaba bomnakabo.

2 Tikhronike 30:1

Hezekiya watfumela livi kulo lonkhe laka-Israyeli, nelakaJuda, waphindze wabhala tincwadzi atibhalela baka-Efrayimu nebakaManase, abamema kutsi bete ethempelini laSimakadze eJerusalema kutawugubha liPhasika kuSimakadze, Nkulunkulu wema-Israyeli.

Numeri 26:28

Titukulwane takaJosefa lusendvo ngelusendvo kusukela kuboManase na-Efrayimu tatime kanje:

Joshuwa 16:4

Ngako-ke Manase na-Efrayimu, titukulwane taJosefa, tabelwa lelo lifa.