Jona 1:7 - Siswati 1996 Bible

⁷ Ematilosi emkhumbi akhuluma odvwana, atsi: “Wotani, sitekwenta inkatho sibone kutsi ngubani lona losidvonsele lomkhokha.” Ngako-ke base benta inkatho; inkatho yadla Jona.

Jona 1:7 Iomraidhean Croise

Esta 3:7

Kwatsi ngenyanga yekucala, yaNisani, ngemnyaka weli-12 wekubusa kwenkhosi Ahashiveroshi, kwentiwa inkatho embikwaHamani yekutfola kutsi kungaba nguliphi lilanga nenyanga lekutsi aphumelelise lelisu lakhe. Ngako kwakhetfwa lilanga leli-13 ku-Adari, inyanga yeli-12.

Jobe 10:2

Ngitawutsi kuNkulunkulu: Ungangilahli, kodvwa ngitjele kutsi cala lini longibeka lona.

Tihlabelelo 22:18

Behlukaniselana ngetimphahla tami, bentelane inkatho ngengubo yami.

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Numeri 32:23

Kodvwa naningakwenti loko, niyona kuSimakadze, futsi-ke nibociniseka-ke kutsi salakutjelwa sibona ngemopho.

Matewu 27:35

Selimbetsele esiphambanweni, lase lenta inkatho, lehlukaniselana ngetingubo takhe.

Imisebenti yebaPhostoli 13:19

Wabulala tive letisikhombisa eveni laseKhenani, walinika bona kutsi libe labo.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

Joshuwa 7:10

Simakadze wakhuluma kuJoshuwa, watsi: “Sukuma! Uweleni ngebuso bakho lapho phansi?