Johane 8:46 - Siswati 1996 Bible

⁴⁶ Ngubani nje emkhatsini wenu longangilahla ngesono? Pho, aningikholwa ngani, nanginitjela liciniso?

Johane 8:46 Iomraidhean Croise

Matewu 21:25

Kubhabhatisa kwaJohane kwavelaphi? KuNkulunkulu nome kubantfu?” Base bakhulumisana bodvwana batsi: “Sitawutsini? Nasitsi: ‘KuNkulunkulu,’ utawutsi: ‘Pho, animkholwanga ngani?’

Makho 11:31

Bacale bakhulumisana bodvwana batsi: “Nasitsi: ‘KuNkulunkulu,’ utawutsi: ‘Animkholwanga ngani kepha?’

Johane 14:30

Angisenakukhuluma kabanti nani, ngobe nangu umbusi walelive aseta, akanamandla etikwami.

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 16:8

Nakefika yena, uyawukhanyisela bantfu balelive kutsi yini sono, nekulunga, nekwehlulela:

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 8:47

“Umuntfu lowaNkulunkulu uyaweva emavi aNkulunkulu, ngiko nje nine ningeva, ngobe anisibo baNkulunkulu.”

Johane 8:7

Batsi basambuta ngaloko, wavuka watsi kubo: “Lote sono emkhatsini wenu, akacale kucala amgcobe ngelitje!”

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

1 yaPhetro 2:22

UmBhalo utsi ngaye: “Akazange asasente sono, nasemlonyeni wakhe akuzange sekuphume emanga.”