Johane 8:32 - Siswati 1996 Bible

³² niyawulati liciniso, neliciniso liyawunikhulula.”

Johane 8:32 Iomraidhean Croise

Tihlabelelo 119:45

Ngiyawuhamba ngekukhululeka, ngobe ngetamile kuhlonipha imitsetfo yakho.

Tihlabelelo 25:5

Ngihambise ecinisweni lakho, ungifundzise, ngobe wena unguNkulunkulu wensindziso yami. Litsemba lami likuwe lonkhe lilanga.

Taga 1:23

Ase nilalele kunitsetsisa kwami; imicabango yami ngitayitfululela kini, nginitjele lokusenhlitiyweni yami.

Taga 1:29

Ngobe batondza lwati, abazange bakhetse kwesaba Simakadze.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Isaya 2:3

Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Levithikusi 25:41

Kulowo mnyaka yena nebantfwabakhe kufanele bakhululwe, bese ubuyela emndenini wakubo emhlabeni waboyisemkhulu.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 16:13

Kodvwa Moya weliciniso nakefika, uyawuniholela kulo lonkhe liciniso. Angeke atikhulumele kwakhe, kodvwa uyawukhuluma lakuvako, anitjele nangetintfo letisetakwenteka.

Johane 17:17

Tehlukanisele bona ngeliciniso babe bakho, livi lakho liliciniso.

Johane 6:45

Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Johane 8:36

Ngako-ke nangabe iNdvodzana inikhulula, nitawuba ngulabakhululekile sibili.

KubaseRoma 6:22

Kodvwa nyalo senikhululiwe esonweni, senitigcili taNkulunkulu; nitfola sitselo senu sekungcweliswa. Siphetfo saloko kuphila lokuphakadze.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 7:22

Ngobe lowabitwa yiNkhosi asigcili, ungulokhululekile weNkhosi. Ngalokufananako, nalowo lowabitwa akhululekile, usigcili saKhristu.

KubaseGalathiya 5:1

Khristu wasikhululela kutsi sihlale sikhululekile. Manini-ke, nicine, ningaphindzi niboshelwe ejokeni lebugcili.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

2 kuThimothi 3:7

Laba labasikati bafundza njalonjalo, kodvwa bangeke befike ekulatini liciniso.

YaJakobe 1:25

Kepha lobukisisa emtsetfweni losikhululako bese uhamba ngawo, angabi ngumlaleli lokhohlwako kepha abe ngulowentako, lowo-ke utawuba ngulobusisiwe ekwenteni kwakhe.

YaJakobe 2:12

Ngako khulumani, nente njengalabo labayakwehlulelwa ngemtsetfo wenkhululeko.

1 yaPhetro 2:16

Nitiphatse njengebantfu labakhululekile, kodvwa ningakusebentisi kukhululeka kwenu kube simbonyo salokubi; kodvwa tiphatseni njengetinceku taNkulunkulu.

2 yaJohane 1:1

Lencwadzi iphuma kuMbonisi. Iya kuMake lokhetsiwe nakubantfwabakhe, lengibatsandza ngeliciniso, kungesimi ngedvwana, kodvwa nabo bonkhe labalatiko liciniso,