Johane 5:40 - Siswati 1996 Bible

⁴⁰ Kepha anivumi kuta kimi kuze phela nitewuba nekuphila.

Johane 5:40 Iomraidhean Croise

Tihlabelelo 81:11

“Kepha sive sami asililalelanga livi lami. Israyeli akazange anginake.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Matewu 22:3

Yatfumela tisebenti tayo kutsi tiyewubita lababemenyiwe kuta emshadweni, kodvwa abavumanga kuta.

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Johane 1:11

Weta kubakubo, kodvwa bantfu bakubo abazange bamemukele.

Johane 10:10

Lisela litela kweba, nekubulala, nekubhubhisa. Mine ngitele kwekutsi bantfu babe nekuphila; babe nako kuphuphume.

Johane 3:19

Kwehlulelwa ngiko loko kutsi: Kukhanya kutsi sekufikile emhlabeni, kepha bantfu babe batsandza bumnyama kunekukhanya, ngenca yemisebenti yabo lemibi.

Johane 5:39

Niphenya imiBhalo, ngobe nicabanga kutsi nitawutfola kuphila lokuphakadze kuyo, kantsi ngiyo lucobo lefakaza ngami.

Johane 5:41

“Mine angilwemukeli ludvumo kubantfu.

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Johane 6:37

“Konkhe langipha kona Babe kutawuta kimi; lotako kimi, angeke ngimlahlele ngephandle.

Johane 6:40

Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.