Johane 5:39 - Siswati 1996 Bible

³⁹ Niphenya imiBhalo, ngobe nicabanga kutsi nitawutfola kuphila lokuphakadze kuyo, kantsi ngiyo lucobo lefakaza ngami.

Johane 5:39 Iomraidhean Croise

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Tihlabelelo 119:11

Livi lakho ngililondvolote enhlitiyweni yami, kuze ngingoni kuwe.

Tihlabelelo 133:3

Kufana nematolo eNtsaba iHemoni, nakehlela eNtsabeni iSiyoni. Kulapho-ke lapho Simakadze ehlisela khona tibusiso takhe, yebo, nekuphila, kuze kube phakadze.

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 21:4

Yacela imphilo kuwe, wena wayipha emalanga lamadze phakadze naphakadze.

Tihlabelelo 36:9

ngobe nguwe umtfombo wekuphila, kukhanya sikubona ekukhanyeni kwakho.

Taga 6:23

Ngobe umyalo usibane, imfundziso ikukhanya, kucondziswa ngekutsetsiswa kuyindlela yekuphila.

Isaya 34:16

Ase nibuke encwadzini legocotwako yaSimakadze nifundze. Kute nakunye kwaloku lokuyawusilela, kute lokuyakweswela singani sako. Ngobe ngumlomo wakhe lona lokhiphe lomyalo, naMoya wakhe uyawukubutsela ndzawonye.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Matewu 22:29

Jesu watsi kubo: “Maye! Nedukile, ngobe aniyati imiBhalo kanye nemandla aNkulunkulu!

Makho 10:3

Jesu wabaphendvula watsi: “Mosi waniyala watsini?”

Makho 12:10

“Anifundzanga yini kulomBhalo lotsi: “ ‘Lelo litje lelaliwa bakhi, ngobe bebatsi alinamsebenti, seligucuke laba litje lekusimisa indlu?

Lukha 16:29

“Abrahama watsi: ‘Bomnakenu banemtsetfo waMosi netincwadzi tebaphrofethi letingabatjela, abalalele tona.’

Lukha 16:31

Kodvwa Abrahama watsi: ‘Nabangalaleli boMosi nebaphrofethi nababeluleka, nome bekungavuka lomunye kulabafile, bangeke baneliswe!’ ”

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Lukha 24:27

Jesu wase uyabachazela ngako konkhe lokwakuphatselene naye emiBhalweni, kusukela etincwadzini taMosi netebaphrofethi.

Lukha 24:44

Wase utsi kubo: “Ngito-ke letintfo lenganginitjela tona ngisenani, kutsi konkhe lokubhaliwe ngami emtsetfweni waMosi, nasemiBhalweni yebaphrofethi, naseTihlabelelweni bekufanele kugcwaliseke.”

Johane 1:45

Filiphu watfola Nathanayeli, watsi kuye: “Simtfolile lowo labhala ngaye emtsetfweni Mosi kanye nebaphrofethi, Jesu waseNazaretha, umsa waJosefa.”

Johane 5:32

Kodvwa kukhona longifakazelako, futsi ngiyati nekutsi bufakazi labufakazako ngami buliciniso.

Johane 5:36

Kepha nginebufakazi lobukhulu kunebaJohane, ngobe imisebenti Babe langinike yona kutsi ngiyente, yona lemisebenti lengiyentako iyangifakazela kutsi ngitfunywe nguBabe.

Johane 5:40

Kepha anivumi kuta kimi kuze phela nitewuba nekuphila.

Johane 5:46

Kube benikholwa nguMosi, ngabe niyakholwa nangimi, ngobe yena wabhala ngami.

Johane 7:52

Bamphendvula batsi: “Wo, kantsi nawe uphuma eGalile yini? Asewuphenye kahle imiBhalo, utawukhandza kutsi akukho mphrofethi loyawuvela eGalile.” [

Imisebenti yebaPhostoli 13:27

Bantfu labahlala eJerusalema nebaholi babo abazange bati kutsi Jesu unguMsindzisi, abevanga nemavi ebaphrofethi labawafundza njalo ngemaSabatha, kepha bawagcwalisa ngekubulala Jesu.

Imisebenti yebaPhostoli 17:11

Bantfu balapho babencono kakhulu kunebaseThesalonika, ngobe livi balemukela ngalenkhulu inshisekelo. Onkhe emalanga babephenyisisa imiBhalo bahlolisise kutsi kunjalo ngempela yini.

Imisebenti yebaPhostoli 26:27

Nkhosi Agripha, uyabakholwa yini baphrofethi? Noko ngiyati kutsi uyabakholwa!”

KubaseRoma 1:2

LeliVangeli letsenjiswa nguNkulunkulu emandvulweni, waletsembisa ngebaphrofethi bakhe, labhalwa emiBhalweni leNgcwele.

KubaseRoma 3:2

Vele kusita ngalokuphelele. Kwekucala Nkulunkulu emavi akhe wawaphatsisa emaJuda.

Dutheronomi 18:15

Simakadze Nkulunkulu wenu uyawunivusela umphrofethi lonjengami emkhatsini wabomnakenu. Kufanele nimlalele.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.

Dutheronomi 29:29

“Tintfo letifihlakele taSimakadze Nkulunkulu wetfu, kodvwa tintfo letembuliwe tiphiwe tsine kanye nebantfwana betfu kuze kube phakadze, kuze sitekwenta onkhe emavi labhalwe kulencwadzi yalomtsetfo.”

Dutheronomi 32:47

Lamavi akusiwo emavi lalite kini, akuphila kwenu. Niyawuphila ngawo sikhatsi lesidze kulelo live lenewela iJordane kuyakulidla.”

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

KumaHebheru 11:16

Esikhundleni saloko, babelangatelela live lelincono, lokusho kutsi: lizulu. Ngako-ke Nkulunkulu akanamahloni kutibita ngekutsi nguNkulunkulu wabo, ngobe ubalungiselele lelo khaya.

KumaHebheru 11:35

Labasikati bemukeliswa labafile babo bavusiwe. Labanya babetfoswa ngetinhlupho letitinhlobonhlobo bangete bavuma kukhululwa, kuze bemukeliswe lokuncono lokukuvuswa kulabafile.

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.