Johane 4:14 - Siswati 1996 Bible

¹⁴ Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 4:14 Iomraidhean Croise

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 55:1

“Wotani, nonkhe nine lenomile, wotani emantini; nani nine lenite imali, sondzelani, nitsenge nidle! Wotani, nitsenge liwayini nelubisi ngaphandle kwemali nangaphandle kwetindleko.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Hezekeli 47:9

Emabulo etintfo letiphilako naletinwabutelako kuyawuphila nome ngukuphi lapho ayawugeletela khona. Kuyawuphetfuka incumbi yetinhlanti lapho, ngobe lamanti ageletela khona ente lamanti lamunyu abe mnandzi; ngako lapho lamanti ageletela khona, konkhe kuyawuphila.

Levithikusi 11:36

noko umtfombo nome sicobho nome umfula wemanti uyawuhlala uhlantekile. Kodvwa wonkhe lotsintsa lesidvumbu salesilwane uyawuba ngulongcolile.

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

Matewu 5:6

Babusisiwe labalambele bomele kulunga, ngobe bayakwesutsiswa.

Johane 10:10

Lisela litela kweba, nekubulala, nekubhubhisa. Mine ngitele kwekutsi bantfu babe nekuphila; babe nako kuphuphume.

Johane 11:26

Lowo lophila akholwe ngimi, angeke afe naphakadze. Uyakukholwa loku?”

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:11

Lomfati watsi: “Nkhosi, awunalutfo lwekukha, kantsi nalomtfombo uyashona; pho, utawatsatsaphi lawo manti laphilako?

Johane 4:13

Jesu wamphendvula watsi: “Wonkhe lonatsa lamanti lawa, uphindze ome futsi.

Johane 4:36

Lovunako uyaholelwa, abutse sivuno kube kuphila lokuphakadze, kuze lohlanyelako ajabule kanye nalowo lovunako.

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Johane 6:58

Lesi-ke sinkhwa lesehla ezulwini, asifanani nesinkhwa lesadliwa bokhokho benu, babuye bafa. Lodla lesinkhwa uyawuphila kuze kube phakadze.”

Johane 7:37

Kepha ngelilanga lelikhulu lekugcina lemkhosi, Jesu wasukuma wema, wamemeta ngelivi lelikhulu watsi: “Nakukhona lowomile, akete kimi anatse.

KubaseRoma 5:21

Ngako-ke, njengobe sono sabusa kwaba kufa, ngalokufananako kubusa kwemusa kwaba kulunga lokusiholela ekuphileni kwaphakadze ngaJesu Khristu iNkhosi yetfu.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

2 kubaseKorinthe 1:22

wasibeka luphawu lwakhe tsine; wasipha Moya wakhe, etinhlitiyweni tetfu, losibambiso saloko lokutako.

Kubase-Efesu 4:30

Ningamdzabukisi Moya Longcwele waNkulunkulu lenabekwa luphawu ngaye kudzimate kube lilanga lekuhlengwa.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

Sembulo 7:16

Bangeke baphindze balambe, bangeke baphindze bome, lilanga lingeke liphindze libahlabe ngekubashisa, kute nome ngayini leyawubashisa.

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”