Johane 19:39 - Siswati 1996 Bible

³⁹ Nikhodemu, lona loweta kutawubonana naJesu ebusuku, wahamba kanye naJosefa. Nikhodemu abephetse emakha, labeyinhlanganisela yemure nenhlaba, labenesisindvo lesasingaba ngemakhilogremu langema-32.

Johane 19:39 Iomraidhean Croise

Genesisi 50:2

Josefa wayala tisebenti takakhe nabochwephesha bekomisa tidvumbu kutsi batsatse sidvumbu seyise bayesomisa ngemitsi kuze singaboli; ngempela sidvumbu sa-Israyeli somiswa ngemitsi.

2 Tikhronike 16:14

Wafihlwa ethuneni labetakhele lona eDolobheni laDavide. Bamfaka eluhlakeni lolwalufakwe imitsi yekugcina sidvumbu, bafaka netinhlobonhlobo temakha, base babasa imbutfuma yemlilo yekumlilela.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Taga 7:17

Ngiwufake emakha emure, nenhlaba, nesinamoni.

Ingoma Yetingoma 1:13

Longitsandzako unjengemgodla wemakha emure kimi, lolele emkhatsini wemabele ami.

Ingoma Yetingoma 4:14

inadi nesafroni, ikalamu nesinamoni, nayo yonkhe inhlobo yesihlahla semphepho, nesemure, nesenhlaba, nato tonkhe tinandzisi leticolisakele.

Ingoma Yetingoma 4:6

Kudzimate kudzabuke kusa, titfunti tibaleka, ngiyawukhuphukela entsabeni yemure nasegcumeni lemphepho.

Matewu 12:20

Umhlanga lofecekile angeke awephule; intsambo yesibane lebhunyako angeke ayicime, adzimate aphelelise kwehlulela.

Matewu 19:30

Kodvwa labanyenti lababekucala bayawuba bekugcina, nalababekugcina bayawuba bekucala.”

Matewu 2:11

Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.

Makho 16:1

Emvakwelilanga leliSabatha boMariya waseMagdala, naMariya, unaboJakobe, naSalome batsenga emakha bentela kuya bayewugcobisa ngawo sidvumbu saJesu.

Johane 12:3

Mariya watsatsa emakha labedule kakhulu, entiwe ngenadi; abengaba nesisindvo semagremu langema-340, wagcobisa tinyawo taJesu, wabuye watesula ngetinwele takhe. Liphunga lelimnandzi lalamakha latsaphuka nayo yonkhe lendlu.

Johane 12:7

Kodvwa Jesu watsi: “Myekele, kuze atekuwalondvolotela lilanga lami lekungcwatjwa.