Johane 18:38 - Siswati 1996 Bible

³⁸ Philatu wabuta watsi: “Yini-ke liciniso?” Emvakwekusho njalo Philatu waphindze waphuma, waya kumaJuda, watsi kuwo: “Angilitfoli licala kulomuntfu.

Johane 18:38 Iomraidhean Croise

Matewu 27:24

Watsi kube abone Philatu kutsi kute langaphindze akwente, nekutsi sekusuka siphitsiphitsi, watsatsa emanti, wageza tandla embikwebantfu bonkhe watsi: “Anginacala ngengati yalomuntfu! Tiboneleni nine!”

Makho 15:14

Philatu watsi kubo: “Ngani, wenteni lengakalungi?” Kodvwa bamemeta kakhulu kunakucala batsi: “Mbetsele esiphambanweni!”

Lukha 23:4

Philatu watsi kubaphristi labakhulu naseticunjini tonkhe: “Angitfoli cala kulomuntfu.”

Johane 18:33

Philatu wancandzeka wabuyela endlini, wabuta Jesu watsi: “Ye Jesu, wena ungiyo yini inkhosi yemaJuda?”

Johane 19:4

Philatu waphindze waphuma, wafike watsi kulawo maJuda: “Bukani la, ngimkhiphele kini kuze nitekwati kutsi: Mine angilitfoli licala kulomuntfu.”

Johane 19:6

Batsi kube bambone baphristi labakhulu nabogadzi, bamemeta batsi: “Mbetsele esiphambanweni! Mbetsele esiphambanweni!” Philatu watsi kubo: “Mtsatseni nine nimbetsele esiphambanweni, mine angilitfoli licala kulomuntfu!”

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.