Johane 16:33 - Siswati 1996 Bible

³³ Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 16:33 Iomraidhean Croise

Tihlabelelo 68:18

Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Mikha 5:5

Uyawuba kuthula kwaso. Ngesikhatsi ema-Asiriya avimbetela live letfu afohla tinqaba tetfu, tsine, ma-Israyeli, siyawutfumela baholi betfu labanemandla kakhulu bayekulwa nawo.

Matewu 9:2

Baletsa kuye umuntfu lobekafe luhlangotsi alaliswe eluhlakeni. Nakabona kukholwa kwabo, Jesu watsi kulobekafe luhlangotsi: “Mani sibindzi, ndvodzana yami! Tono takho titsetselelwe.”

Lukha 19:38

batsi: “Ibusisiwe iNkhosi letako egameni leNkhosi! Akube nekuthula ezulwini, neludvumo kulelisetulu kakhulu!”

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 12:31

Manje sesikhatsi sekwehlulelwa kwalelive, nembusi walelive sewutawucitfwa.

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 16:11

kwehlulela, kutsi umbusi walelive sewehlulelwe.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 23:11

Ngebusuku lobulandzelako iNkhosi yema eceleni kwaPawula yatsi: “Mani sibindzi, njengobe ungifakazele nje la eJerusalema, kufanele wente njalo futsi naseRoma.”

Imisebenti yebaPhostoli 27:22

Namanje ngiyanincenga, manini sibindzi. Kute namunye lotawufa, kodvwa umkhumbi wona utakufa uphele nya.

Imisebenti yebaPhostoli 27:25

Ngako-ke, madvodza, manini sibindzi, ngobe ngiyametsemba Nkulunkulu kutsi kutawuba njengaloku angitjelile.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

2 kubaseKorinthe 1:3

Akabongwe Nkulunkulu uYise weNkhosi yetfu Jesu Khristu, longuYise wemusa. Yebo, akabongwe Nkulunkulu longumtfombo wayo yonkhe indvudvuto.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

2 kubaseKorinthe 7:4

Nginesibindzi lesikhulu kini; ngitigcabha kakhulu ngani. Kuko konkhe lokuhlupheka kwetfu ngiva nginendvudvuto, nenjabulo yami iyaphuphuma.

KubaseGalathiya 1:4

Nguye lowatinikela ngenca yetono tetfu, kuze kutsi ngentsandvo yaNkulunkulu longuBabe asephule kulesikhatsi lesibi.

KubaseGalathiya 6:14

Kodvwa akube khashane nami kutigabatisa ngaphandle kwesiphambano seNkhosi yetfu Jesu Khristu; ngesiphambano sakhe live lifile kimi, nami ngifile kulo.

KubaseFiliphi 4:7

Kuthula kwaNkulunkulu lokwendlula konkhe kwati kutawulondvolota tinhlitiyo tenu nemicabango yenu kuKhristu Jesu.

KubaseKholose 1:20

kuze kutsi ngaye abuyisane netintfo tonkhe letisemhlabeni naletisezulwini, akhe kuthula ngengati yesiphambano sakhe.

1 kubaseThesalonika 3:4

ngobe ngesikhatsi sisenani, sanitjela kucala kutsi sitakuhlushwa; njengobe sekwentekile nje, nani senati.

1 kubaseThesalonika 3:7

Ngako-ke, bazalwane, nome sasiselusizini nasenhluphekweni, kodvwa sefika sadvudvuteka ngani ngekukholwa kwenu.

2 kubaseThesalonika 3:16

Shangatsi iNkhosi lengumtfombo wekuthula inganinika kuthula ngaso sonkhe sikhatsi ngetindlela tonkhe. INkhosi ayibe nani nonkhe.

2 kuThimothi 3:12

Yebo, bonkhe labafisa kuphila ngekukholwa nguKhristu Jesu bayawutingelwa bahlushwe,

KumaHebheru 11:25

Wakhetsa kuhlupheka nesive saNkulunkulu kunekutijabulisa esonweni kwesikhashana.

KumaHebheru 7:2

Abrahama wamnika kwelishumi kwako konkhe labekutfumbile. Lelibito lakhe lelitsi Melkhisedeki lisho kutsi: “INkhosi Yekulunga”; kantsi leli lelitsi iNkhosi yaseSalema lisho kutsi: “INkhosi Yekuthula”.

1 yaPhetro 5:9

Melanani naso nicinile ekukholweni, nati kutsi tona leto tinhlupheko tiyabehlela nebazalwane benu labasemhlabeni wonkhe.

1 yaJohane 2:13

Ngibhalela nine, bobabe, ngobe niyamati Yena, loseloku aphila kusukela ekucaleni. Ngibhalela nani, majaha, ngobe nimehlulile Lomubi.

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.

1 yaJohane 5:4

Wonkhe umuntfu lotelwe nguNkulunkulu uyalincoba live. Kuncoba lesincoba ngako live: kukholwa kwetfu.

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.

Tikhulu 3:2

Loko wakwenta khona atewufundzisa kulwa timphi etitukulwaneni tema-Israyeli letatingazange tiyilwe imphi,