Johane 15:16 - Siswati 1996 Bible

¹⁶ Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:16 Iomraidhean Croise

Genesisi 18:18

Phela, Abrahama utawuba sive lesikhulu lesinemandla, tonkhe tive temhlaba tiyawubusiswa ngaye.

Tihlabelelo 145:4

Titukulwane ngekwelamana kwato tiyawubikelana ngemisebenti yakho; tiyawumemetela ngemisebenti yakho yemandla.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Taga 11:30

Sitselo salolungile sisihlahla sekuphila; kodvwa lohlakaniphile uzuza imiphefumulo.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Matewu 21:22

Konkhe leniyakucela ngekukhuleka nikholwa, niyakukwemukeliswa.”

Matewu 7:7

“Celani, nitawuphiwa; funani, nitakutfola; nconcotsani, nitakuvulelwa.

Lukha 6:13

Ekuseni wabita bafundzi bakhe, wakhetsa baba li-12 kubo. Labo wababita ngekutsi baphostoli:

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

Johane 15:19

Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.

Johane 15:5

“Mine ngingumvini, nine ningemagala. Lowo lohlala kimi nami kuye, uyawutsela titselo letinyenti, ngobe kute leningakwenta ngaphandle kwami.

Johane 6:70

Jesu wabaphendvula watsi: “Anginikhetsanga naba li-12 yini nine? Noko lomunye wenu ungusathane.”

Imisebenti yebaPhostoli 1:24

Base bayathandaza batsi: “Nkhosi, wena lowati tonkhe tinhlitiyo tebantfu, sikhombise kutsi ngubani lomkhetsile kulaba lababili

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 10:41

noko akabonwanga ngabo bonkhe bantfu, kodvwa ngitsi kuphela lesibofakazi, tsine lesasivele sikhetfwe nguNkulunkulu. Sadla sanatsa naye ngemuva kwekuvuswa kwakhe nguNkulunkulu ekufeni.

Imisebenti yebaPhostoli 22:14

Yase itsi kimi: ‘Nkulunkulu wabokhokho betfu ukukhetsile kutsi wati intsandvo yakhe, ubone Lolungile wakhe, umuve akhuluma nawe ngeliphimbo lakhe,

Imisebenti yebaPhostoli 9:15

INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

KubaseRoma 1:13

Kufanele nati, bazalwane bami, kutsi sengemahlandla lamanyenti kanganani ngetama kunivakashela, kodvwa bengisolomane ngivimbeleka, kwadzimate kwaba ngulamuhla. Kukhona lengifuna kubazuza baphendvuke emkhatsini wenu, njengobe ngentile nakulabanye betive,

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

KubaseRoma 9:21

Empeleni, umbumbi ute yini lilungelo lekusebentisa libumba ngekutsandza kwakhe, nekutsi ente titja letimbili ngasinye sigadla selibumba, lesinye setikhatsi letitsite, lesinye sekusetjentiswa nje nome kunini?

1 kubaseKorinthe 10:11

Konkhe loko kwenteka kubo kuze kube sibonelo kitsi. Ngako kwabhalwa phansi njengesecwayiso kitsi tsine lesesifikelwe sikhatsi sekugcina.

KubaseGalathiya 1:15

Kodvwa Nkulunkulu wavele wangehlukanisela ngingakatalwa, wangibita ngemusa wakhe. Kwatsi nakakhetsa

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:6

Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.

1 kuThimothi 2:7

Ngiko lengakhetselwa kuba ngummemeteli nemphostoli wako, ngifundzise betive kukholwa neliciniso; ngikhuluma liciniso, hhayi emanga.

2 kuThimothi 1:11

Ngamiselwa kutsi ngibe ngummemeteli, nemphostoli, nemfundzisi waleliVangeli,

2 kuThimothi 2:2

Loko lokuve kimi embikwabofakazi labanyenti, nawe kuphatsise bantfu labetsembekile labatawuba nemandla ekukufundzisa kulabanye.

kuThithusi 1:5

Lokwangenta ngikushiye lapho eKhrethe kutsi usale ulungisa tintfo letitsite letifanele kulungiswa, ubeke babonisi kulelo nakulelo dolobha, njengobe ngakuyala.

KumaHebheru 11:4

Ngekukholwa Abela wanikela kuNkulunkulu ngemnikelo lowemukelekako kunewaKhayini. Ngiko lokwamenta wemukeleka njengemuntfu lolungile kuNkulunkulu, ngobe loko kwafakazeleka ngekutsi Nkulunkulu emukele tipho takhe. Nanyalo usakhuluma ngekukholwa kwakhe nome sekadze afa.

YaJakobe 3:18

Bantfu labaletsa kuthula, basuke bahlanyela kuthula, bese bavuna kulunga.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.

1 yaPhetro 3:2

nakabona similo senu lesimsulwa lesinekwesaba Nkulunkulu.

1 yaJohane 4:10

Ngulolo-ke lutsandvo, hhayi kutsi ngitsi lesatsandza Nkulunkulu, kepha kutsi nguye lowasitsandza, wadzimate watfumela iNdvodzana yakhe kutsi ibe yinhlawulo yetono tetfu.

1 yaJohane 4:19

Tsine sitsandza, ngobe kwacala yena wasitsandza.