Johane 13:37 - Siswati 1996 Bible

³⁷ Phetro watsi: “Nkhosi, kwanyalo kwalani kutsi ngikulandzele? Ngikulungele nekufa ngenca yakho!”

Johane 13:37 Iomraidhean Croise

Makho 10:39

Batsi kuye: “Singakumela.” Jesu watsi kubo: “Yebo kona, lendzebe lengitayinatsa nani nitayinatsa; nangalombhabhatiso lengitawubhajatiswa ngawo nani nitawubhajatiswa ngawo.

Johane 21:15

Batsi sebacedzile kudla, Jesu watsi kuPhetro: “Simoni, msa waJohane, ungitsandza ngetulu kwalaba yini?” Waphendvula watsi: “Yebo, Nkhosi, uyati kutsi ngiyakutsandza.” Jesu watsi kuye: “Yondla emawundlu ami.”

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Imisebenti yebaPhostoli 21:13

Kodvwa waphendvula watsi: “Nikhalelani kanjena nize ningidzabukise enhlitiyweni? Angikalindzeli kuphela kutsi ngiboshwe eJerusalema kepha ngilungele nekutsi ngife ngenca yeNkhosi Jesu.”