Johane 13:34 - Siswati 1996 Bible

³⁴ Ngininika umyalo lomusha wekutsi: Njengobe nami nginitsandzile, nani tsandzanani.

Johane 13:34 Iomraidhean Croise

Tihlabelelo 119:63

Ngingumngani wabo bonkhe labakwesabako, labahamba ngetimiso takho.

Tihlabelelo 16:3

Kodvwa ngalabangcwele labalapha emhlabeni ngitsi: “Batikhulu letincabile lengijabula ngato.”

Levithikusi 19:18

Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena. NginguSimakadze.

Levithikusi 19:34

Umchamuki lohlala eveni lakini ubomphatsa njengemuntfu wakini. Umtsandze njengobe utitsandza wena, ngobe nani nake naba tihambi eveni laseGibhithe. NginguSimakadze.

Matewu 5:44

Kodvwa mine ngitsi kini: Tsandzani titsa tenu, nibakhulekele labanitingelela kunihlupha,

Johane 15:17

Ngaloko ngiyaniyala ngitsi: ‘Tsandzanani!’ ”

Johane 17:21

Ngithandazela kutsi babe munye bonkhe, njengaloku wena, Babe, ukimi, nami ngikuwe, kuze kutsi nabo babe kitsi, khona live litawukholwa kutsi ngitfunywe nguwe.

KubaseRoma 12:10

Tsandzanani ngelutsandvo lwebuzalwane, nijakiselane ngekuhloniphana.

KubaseRoma 13:10

Lutsandvo alukwenti lokubi kumakhelwane; ngako-ke lutsandvo lukugcwaliseka kwemtsetfo.

KubaseRoma 13:8

Ningakweledi muntfu nome seyini ngaphandle kwekutsi nitsandzane, ngobe lowo lotsandza makhelwane wakhe sewuwugcwalisile umtsetfo.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

KubaseGalathiya 6:2

Tfwalisanani imitfwalo yenu, kuze nigcwalise umtsetfo waKhristu.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseKholose 1:4

ngobe sivile ngekukholwa kwenu nguKhristu Jesu kanye nangelutsandvo leninalo kubo bonkhe labangcwele.

1 kubaseThesalonika 3:12

Shangatsi iNkhosi inganandzisa inikhulise naselutsandvweni lomunye kulomunye nakubo bonkhe bantfu, njengobe nelwetfu lunjalo kini,

2 kubaseThesalonika 1:3

Simele kubonga Nkulunkulu ngani, bazalwane, ngaso sonkhe sikhatsi. Yebo, kufanele simbonge, ngobe kukholwa kwenu kuyakhula kakhulu, nelutsandvo lenitsandzana ngalo luyandza.

KumaHebheru 13:1

Hlalani njalo nitsandzana njengebazalwane.

YaJakobe 2:8

Kepha nanigcina umtsetfo webukhosi ngekwemBhalo lotsi: “Tsandza makhelwane wakho njengobe utitsandza wena,” nenta kahle.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

2 yaPhetro 1:7

nasekumesabeni Nkulunkulu nengete kutsandza bazalwane, nasekutsandzeni bazalwane nengete lutsandvo.

1 yaJohane 3:11

Lona ngumyalo lenawuva kusukela ekucaleni kutsi kufanele sitsandzane.

1 yaJohane 3:23

Naku lasiyala ngako: kutsi sikholwe egameni leNdvodzana yakhe lenguJesu Khristu bese siyatsandzana, njengobe asiyala.

1 yaJohane 4:21

Sinemyalo lasinika wona Khristu kutsi umuntfu lotsandza Nkulunkulu ufanele kutsandza nemzalwane wakhe futsi.

2 yaJohane 1:5

Namanje ngiyakuncusa-ke, Make, kungesiko kutsi ngikushayela umyalo lomusha, kodvwa wona lowo lesawuva ekucaleni wekutsi sifanele sitsandzane.