Johane 12:26 - Siswati 1996 Bible

²⁶ Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

Johane 12:26 Iomraidhean Croise

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Taga 27:18

Umuntfu lohlakulela umkhiwa uyakudla titselo tawo, nalowo lophetse kahle umcashi wakhe uyakwemukela ludvumo.

Numeri 14:24

Kodvwa njengobe inceku yami Khalebi anemoya lowehlukile futsi ungilandzela ngenhlitiyo yakhe yonkhe, ngitamngenisa kulelive laya kulo, nebatukulu bakhe bayawulidla libe lifa labo.

Numeri 32:11

‘Njengobe bangazange bangilandzele ngenhlitiyo yonkhe, kute namunye wemadvodza, kusukela kulaneminyaka lengema-20 kuya etulu, laphuma eGibhithe layawulibona lelive lengaletsembisa ngekufunga ku-Abrahama, na-Isaka, naJakobe;

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Makho 8:34

Jesu wabita bafundzi bakhe kanye nesicuku watsi kubo: “Umuntfu nakafuna kungilandzela, akatidzele, etjatse siphambano sakhe angilandzele.

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 6:46

“Ningibitelani kutsi: ‘Nkhosi, Nkhosi,’ nibe ningenti lenginitjela kona?

Lukha 9:23

Wase utsi kubo bonkhe: “Lofuna kungilandzela, kufanele atidzele, etjatse siphambano sakhe onkhe emalanga, angilandzele.

Johane 10:27

Timvu tami tiyaliva livi lami, nami ngiyatati; tiyangilandzela.

Johane 13:16

Ngicinisile, ngicinisile, ngitsi kini: Sisebenti asisikhulu kunemcashi waso, nalowo lotfunyiwe akamkhulu kunalowo lamtfumile.

Johane 14:15

“Naningitsandza, nitawugcina imiyalo yami.

Johane 14:3

Nase ngiyile nganilungisela indzawo, ngiyawubuya nginilandze, nite kimi, kuze kutsi lapho ngikhona nibe khona nani.

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.

Johane 21:22

Jesu wamphendvula watsi: “Nangifuna kutsi aphile, ngidzimate ngibuye, kukuhlupha ngani wena loko? Wena landzela mine!”

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

KubaseRoma 14:18

Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KubaseGalathiya 1:10

Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.

KubaseFiliphi 1:23

Kepha ngisemkhatsini walokubili: Nginesifiso sekuhamba ngiyewuba naKhristu, ngobe ngiko lokuhle kakhulu.

KubaseKholose 3:24

Khumbulani kutsi nikhonta iNkhosi. Nati kutsi niyakwemukeliswa umvuzo welifa kuKhristu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

1 yaJohane 5:3

Ngobe kutsandza Nkulunkulu kugcina imiyalo yakhe. Imiyalo yaNkulunkulu ayimatima kitsi.

YaJuda 1:1

Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.