Johane 11:54 - Siswati 1996 Bible

⁵⁴ Ngako-ke Jesu akabange asahamba ebaleni emkhatsini wemaJuda, kodvwa wesuka lapho, wahamba waya endzaweni lesedvute nelihlane, emtini lobitwa ngekutsi yi-Efrayimu, wayawutihlalela khona nebafundzi bakhe.

Johane 11:54 Iomraidhean Croise

2 Samuweli 13:23

Emvakweminyaka lemibili, batsi bahhuli betimvu baka-Absalomu baseseBhali Hasori, edvute nemnyele waka-Efrayimu, Absalomu wamema onkhe emadvodzana enkhosi.

2 Tikhronike 13:19

Abiya wacosha Jerobowamu, wadzimate watfumba emadolobha iBetheli, neJeshana, ne-Efroni kanye nemiti yawo.

Johane 10:40

Jesu waphindze wancandzeka futsi, wahamba wewelela ngesheya kweJordane, lapho acala khona Johane kubhabhatisa, wefike wahlala khona.

Johane 18:20

Jesu wamphendvula watsi: “Ngikhulume ebaleni ngikhuluma nemhlaba wonkhe. Ngato tonkhe tikhatsi bengifundzisa emasinagogeni nasethempelini, lapho kubutsana khona onkhe emaJuda. Angizange sengikhulume lutfo emasitseleni.

Johane 7:1

Emvakwaloko Jesu walihambahamba laseGalile; akatsandzanga kuya eJudiya, ngobe emaJuda abefuna kumbulala.

Johane 7:10

Batsi kube benyuke baye emkhosini labomnakabo, yena-ke wanyenya, wenyuka abalandzela.

Johane 7:13

Noko bekute labekhulumela etulu, ngobe babesaba emaJuda.

Johane 7:4

Kute lofihla lakwentako nakafuna kutsi atiwe. Njengobe wenta letintfo nje, tibonakalise wena kulo lonkhe live.”