Jobe 2:3 - Siswati 1996 Bible

³ Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi. Seloku usabambelele ekwetsembekeni kwakhe, nome wena bewungichukulusha ngekutsi ngimbhubhise ngaphandle kwesizatfu.”

Jobe 2:3 Iomraidhean Croise

Genesisi 6:9

Nankhu-ke umlandvo ngaNowa. Nowa abelungile amsulwa esitukulwaneni sakhe, ahamba naNkulunkulu.

2 Samuweli 20:20

Jowabe waphendvula watsi: “Akube khashane nami! Akube khashane nami kumita nekubhubhisa!

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 1:11

Kodvwa ase welulele sandla sakho kuko konkhe lanako, ubone kutsi angeke yini akwetfuke.”

Jobe 1:6

Kwatsi ngalelinye lilanga emadvodzana aNkulunkulu atsatsa tindzawo tawo embikwaSimakadze, naSathane watfolakala asemkhatsini wawo.

Jobe 1:8

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Jobe 13:15

Nome angangibulala, noko ngitakwetsembela kuye. Nakanjani ngitatikhulumela embikwakhe ngetindlela tami.

Jobe 2:2

Simakadze wabuta Sathane, watsi: “Uphumaphi?” Sathane waphendvula Simakadze, watsi: “Ngiphuma kuyawuhlamahlama emhlabeni, lapho bengihambahamba khona ngehla ngenyuka.”

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Jobe 9:17

Abenganginyatsela ngesangcotfo, andzise emanceba ami ngaphandle kwesizatfu.

Jobe 9:20

Ngisho nome bengimsulwa, umlomo wami bewungangilahla. Nome ngabe bengingenakusoleka, bewutakutsi nginelicala.

Tihlabelelo 26:1

Hhawu, Simakadze! Ngehlulele, utewubona kutsi ngimsulwa. Ngetsembele kuSimakadze ngaphandle kwekungabata.

Tihlabelelo 37:37

Ubombekisa lolungile, umcaphelisise locotfo, ngobe umuntfu wekuthula unelikusasa lelihle;

Tihlabelelo 41:12

Yebo, ungisimisa ngebucotfo bami ungimise ebukhoneni bakho, phakadze naphakadze.

Taga 11:8

Umuntfu lolungile uvikelekile etinhluphekweni; kodvwa umuntfu lomubi tiyamehlela.

Taga 13:6

Kulunga kuyamgadza lophila ngendlela lecondzile; kodvwa sono siyabawisa lababi.

Taga 14:2

Umuntfu lohamba ngebucotfo wesaba Simakadze; kodvwa lotindlela takhe tigwegwile wedzelela Simakadze.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 16:17

Bantfu labalungile bahamba ngendlela lekugegako lokubi, ngekwenta loko basuke baphephisa timphilo tabo.

Johane 9:3

Jesu wabaphendvula watsi: “Kute lowona; yena nome batali bakhe, abazange sebente sono lesabangela lobumphumphutse, kepha loku kwenteka khona kutawubonakaliswa imisebenti yaNkulunkulu kuye.

KubaseFiliphi 3:12

Akusho kutsi konkhe loku sengikubambile nekutsi sengiphelelisiwe. Kepha ngicondze kutsi ngikubambe kube kwami, njengobe naKhristu wangizuza, wangenta kutsi ngibe wakhe.

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.