Jobe 10:8 - Siswati 1996 Bible

⁸ “Tandla takho tangeluka, tangibumba. Senguwe njalo lotangibhubhisa futsi?

Jobe 10:8 Iomraidhean Croise

Jobe 10:3

Kuyakujabulisa yini wena lokungicindzetela, nekwedzelela umsebenti wetandla takho, ulibale kumamatsekiswa ngemacebo lentiwa ngulababi?

Jobe 13:19

Ngubani nje longangibeka licala? Nakunjalo, ngitawubindza ngife.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Jobe 9:17

Abenganginyatsela ngesangcotfo, andzise emanceba ami ngaphandle kwesizatfu.

Jobe 9:22

Mine sekuyangifananela nje, ngiko nje ngitsi: ‘Ubhubhisa labalungile nalababi.’

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 119:73

Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Tihlabelelo 139:15

Ematsambo ami abengakafihlakali kuwe, ngesikhatsi ngibunjwa ekusitsekeni ngelukwa esiswini samake.

Tihlabelelo 139:16

Wangibona ngiselihlwili. Onkhe emalanga ami abhalwa encwadzini yakho, ajutjwa, lisengakefiki nalinye lawo.

Tihlabelelo 33:15

nguye lobumba tonkhe tinhlitiyo tabo, abukisise tonkhe tento tabo.

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”