Jeremiya 6:26 - Siswati 1996 Bible

²⁶ Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Jeremiya 6:26 Iomraidhean Croise

Genesisi 21:16

Wase uhamba libanga lemjikijelo, wayawuhlala khona acabanga atsi: “Ngingeke ngikumele kubuka umntfwanami afa.” Asahleti phansi afulatsele lomfana, tehla tinyembeti, wakhala kabuhlungu.

Jobe 15:21

“Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Jobe 2:8

Jobe watsatsa lucetu lweludzengelo watenwaya ngalo ahleti emlotseni etaleni.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Isaya 3:24

Esikhundleni sekunuka kwemakha, kutawunuka luboti; esikhundleni semijijimba kube tintsambo, esikhundleni setinwele letentiwe kahle kutawuba nemphandla; esikhundleni setembatfo letinhle kutawuba ngemasaka; esikhundleni sebuhle kutawuba nesishadza.

Isaya 30:13

lesono lesi siyawuba ngangelubondza loluphakeme kini, loseluklatuka ekhatsi selugobana, lona lolusuke selutawuhhibika masinyane.

Isaya 32:11

Tfutfumelani, nine bafati labakhibikile; yesabani, nine madvodzakati lenitivela niphephile! Khumulani kwekwembatsa kwenu. Vunulani emasaka etinkhalo tenu.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 14:17

“Khuluma lamavi kubo utsi: “ ‘Emehlo ami akagobhote tinyembeti busuku nemini, angakhawuli; ngobe indvodzakati yami leyintfombi sibili, sive sami, igwazwe linceba lelibi, yalinyatwa kakhulu.

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 18:22

Akuvakale kukhala emakhaya abo, ngesikhatsi nawutfumela bahlaseli kubo, ngobe bangimbele umgodzi wekungigcumukisela, bangibekele tingibe tekungigila.

Jeremiya 30:5

“Naku lokushiwo nguSimakadze, utsi: “ ‘Kuvakala kukhala kwekwesaba, kwekwetfuka, hhayi kwekuthula.

Jeremiya 4:11

Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;

Jeremiya 4:20

Inhlekelele ilandzela inhlekelele, live lonkhe lisele litindzala. Ngekucwabita kweliso emathende ami asabhidlitiwe, yebo, umkhukhu wami ngesikhashana nje.

Jeremiya 4:8

Ngako yembatsani emasaka, khalani, nilile, ngobe intfukutselo leyesabekako yaSimakadze ayikesuki kitsi.

Jeremiya 6:14

Babopha emanceba ebantfu bami kube shangatsi yintfo nje lengenamsebenti, babe batsi: ‘Kuthula, kuthula,’ kube kantsi kute nalokuthula.

Jeremiya 8:19

Lalelani kukhala kwesive sami, sikhala eveni lelikhashane kakhulu, sitsi: “Simakadze akekho yini eSiyoni? Kungabe iNkhosi yayo ayikho yini lapho?” “Bangitfukutseliseleni ngaletitfombe tabo, ngaletithico tabo tebetive letingenamsebenti?”

Jeremiya 8:21

Njengobe bantfu bami bayabhujiswa, nami ngiyabhujiswa; ngiyalila, nekwesaba kuyangintfonya.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Sililo 1:16

“Nguloko lokungenta ngilile, nemehlo ami aphophota tinyembeti. Kute namunye losedvutane longidvudvutako, kute namunye longabuyisa umoya wami. Bantfwabami bahlutjuliwe, ngobe sitsa singehlulile.”

Sililo 1:2

Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Sililo 3:16

Ematinyo ami uwagamule ngelukhetse, wangigcobagcoba elutfulini.

Sililo 3:48

Imifula yetinyembeti iyageleta isuka emehlweni ami, ngobe bantfu bami babhujisiwe.

Sililo 4:10

Bafati labanesihawu badzimate bapheka bantfwababo ngetabo tandla, bagucuka baba kudla kwabo ngesikhatsi bantfu bakitsi babhujiswa.

Sililo 4:3

Ngisho netimphungutja tiyayikhipha imibele yato timunyise emazinyane ato, kodvwa bantfu bami sebagucuke bangabi nanhlitiyo, baba njengetinshi tasehlane.

Sililo 4:6

Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Lukha 7:12

Nakefika esangweni lelidolobha, wahlangana nebantfu baya emngcwabeni. Lendvodzana lebeyifile beyiyemfelokati, futsi bekukuphela kwayo. Sicumbi sebantfu sasimsingatsile lomfelokati.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.

YaJakobe 5:1

Nine-ke tinjinga, lalelani emavi ami. Khalani, nilile ngenca yetinhlupheko letitawunehlela.