Jeremiya 50:6 - Siswati 1996 Bible

⁶ “Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.

Jeremiya 50:6 Iomraidhean Croise

Tihlabelelo 116:7

Mphefumulo wami, ake uphindze uphumule, ngobe Simakadze ukuphetse ngemusa.

Tihlabelelo 119:176

Ngedukile, njengemvu lelahlekile. Ngifune, mine nceku yakho, ngobe imiyalo yakho angikayikhohlwa.

Tihlabelelo 23:2

Ungilalisa emadlelweni laluhlata, angiholele nasemantini ekuphumula.

Tihlabelelo 32:7

Wena uyindzawo yami yekubhaca, uyangiphephisa ekuhluphekeni ungisingatse ngetingoma tenkhululeko. Cabanga.

Tihlabelelo 90:1

Yebo, Simakadze! Wena ube siphephelo setfu etitukulwaneni nasetitukulwaneni.

Tihlabelelo 91:1

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 30:15

Naku lokushiwo yiNkhosi Simakadze, Longcwele waka-Israyeli, utsi: “Ekuphendvukeni nasekuphumuleni ngulapho kunensindziso yenu khona; ekuthuleni nasekwetsembeni ngulapho kunemandla enu khona; kodvwa ningeke nitsandze lutfo lwako.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Jeremiya 10:21

Belusi abanangcondvo, abambuti naSimakadze; ngako abaphumeleli, nayo yonkhe imihlambi yabo isakatekile.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 2:20

“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 23:1

Simakadze utsi: “Naku kulabo belusi lababulala basakate timvu telidlelo lami!”

Jeremiya 3:23

Impela, kukhonta kwetfu tithico, yebo, kuyaluka emagcumeni nasetintsabeni kutiyenga nje. Impela insindziso yaka-Israyeli ikuSimakadze Nkulunkulu wetfu.

Jeremiya 3:6

Ngesikhatsi kusabusa inkhosi Josaya, Simakadze wakhuluma kimi, watsi: “Ukubonile yini lokwentiwe ngu-Israyeli longaketsembeki? “Wenyukele etulu kuwo onkhe emagcuma laphakeme, waya nangaphansi kwato tonkhe tihlahla letendlala emagala ato, waphingela khona lapho.

Jeremiya 33:12

“Naku lokushiwo nguSimakadze longuSomandla, utsi: ‘Kulendzawo lelihlane lelingenabantfu netilwane, nakuwo onkhe emadolobha ayo kuyawuphindze kube nemadlelo, lapho iyawuphumulela khona imihlambi yetimvu neyetimbuti tebelusi.

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Jeremiya 50:19

Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Hezekeli 13:10

“ ‘Njengobe bedukisa bantfu bami, batsi: “Kuthula”, kube kute naloko kuthula, nangenca yekutsi nakwakhiwa lubondza lolulula, bona baluhuca ngemcakaco,

Hezekeli 34:14

Ngiyawutelusela edlelweni lelihle, netintsaba letiphakeme taka-Israyeli tiyawuba ngemadlelo ato. Lapho-ke tiyawulala phansi edlelweni lelihle, ngulapho tiyawuklaba khona edlelweni lelineluhlata, etintsabeni taka-Israyeli.

Hezekeli 34:15

Mine ngekwami ngiyawukwelusa timvu tami ngitilalise phansi, kusho iNkhosi Simakadze.

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Matewu 10:6

Esikhundleni saloko hambani niyewufuna timvu letilahlekile letisive sema-Israyeli.

Matewu 15:24

Jesu waphendvula watsi: “Angikatfunyelwa kulomunye umuntfu, kuphela etimvini letilahlekile letingema-Israyeli.”

Matewu 9:36

Nabona ticumbi tebantfu, inhlitiyo yakhe yagcwala sihawu, ngobe bebakhatsatekile bahlakatekile, banjengetimvu letite umelusi.

1 yaPhetro 2:25

Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.