Jeremiya 50:16 - Siswati 1996 Bible

¹⁶ Susani umhlanyeli eBhabhulona nemvuni lobambe lisikela lakhe ngesikhatsi sekuvuna. Ngenca yenkemba yemcindzeteli, akube ngulowo nalowo abuyele kubakubo, ngulowo nalowo akabalekele eveni lakubo.”

Jeremiya 50:16 Iomraidhean Croise

Isaya 13:14

“Njengenyamatane letingelwako, nanjengetimvu letingenamelusi, ngulowo nalowo uyawubalekela esiveni sakubo, ngulowo nalowo abalekele eveni lakubo.

Jeremiya 25:38

Njengelibhubesi umelusi uyawuphuma ashiye umhume wakhe, live labo liyawusala likhala libhungane ngenca yenkemba yemcindzeteli, nangenca yelulaka lolwesabekako lwaSimakadze.

Jeremiya 46:16

Bayawukhubatela njalo nje; bawe lomunye etikwalomunye. Bayawutsi: ‘Vukani, sibuyele emuva kubantfu bakitsi nasemaveni etfu, sibaleke kulenkemba yemcindzeteli.’

Jeremiya 51:23

ngawe ngiphihlita umelusi nemhlambi wakhe wetimvu, ngawe ngiphihlita umlimi netinkhabi takhe, ngawe ngiphihlita babusi netiphatsimandla.”

Jeremiya 51:9

“ ‘Ngabe sesiyiphilisile iBhabhulona, kodvwa ayelapheki, asiyishiye, ngulowo nalowo aye eveni lakubo, ngobe kwehlulelwa kwayo kufikela esibhakabhakeni.

Joweli 1:11

Jabhani, nine balimi, lilani, nine lenilima tivini. Dzabukelani kolo kanye nebhali, ngobe sivuno sensimi sibhujisiwe.

Amose 5:16

Ngako-ke naku lokushiwo yiNkhosi, Nkulunkulu longuSomandla, Simakadze, itsi: “Kuyawuba khona kudzindza sililo kuto tonkhe titaladi, nekukhala kabuhlungu kuto tonkhe tinkhundla. Kutawubitwa balimi kutsi nabo balile, kubitwe nalabati tililo kutsi bakhale.