Jeremiya 38:7 - Siswati 1996 Bible

⁷ Kodvwa Ebedi Meleki, umKushe, labengumtsenwa esigodlweni senkhosi, weva kutsi Jeremiya sebamfake kulomgodzi. Kwatsi inkhosi isehleti eSangweni lakaBhenjamini,

Jeremiya 38:7 Iomraidhean Croise

2 Emakhosi 24:15

Nebukhadnezari watfumba Jehoyakhini, wahamba naye waya eBhabhulona. Labanye labatfumba lapha eJerusalema bekungunina wenkhosi Jehoyakhini, nemakhosikati aJehoyakhini, netindvuna takhe kanye nemadvodza lamcoka elive.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Taga 29:10

Babulali bayamtondza umuntfu lowetsembekile; kodvwa labalungile betama kuphephisa kuphila kwakhe.

Isaya 56:3

Akubete wekuhamba losatibophele yena kuSimakadze, lotsi: “Ngempela Simakadze uyakungehlukanisa nesive sakhe.” Akubete nemtsenwa lokhononako, atsi: “Ngisihlahla nje lesomile.”

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Jeremiya 26:16

Ngako letiphatsimandla nabo bonkhe bantfu bakhuluma kubaphristi nakubaphrofethi, batsi: “Lomuntfu akukafaneli kutsi agwetjwe intsambo! Ukhulume kitsi egameni laSimakadze Nkulunkulu wetfu.”

Jeremiya 29:2

Lapha kwakusemuva kwenkhosi Jehoyakhini, nendlovukazi, nebatsenwa, nebaholi bakaJuda nebaseJerusalema, nebakhandzi betinsimbi kanye nebabati labatingcweti sebatfunjiwe bayiswa ekudzingisweni besuswa eJerusalema.

Jeremiya 34:19

Baholi bakaJuda nebaseJerusalema, nebatsenwa, nebaphristi kanye nabo bonkhe bantfu belive labebahamba emkhatsini waletincetu talelinkhonyane,

Jeremiya 37:13

Kodvwa watsi nakefika eSangweni lakaBhenjamini, umphatsi wabogadzi, libito lakhe lekwakunguJiriya, umsa waShelemiya, umsa waHananiya, wambopha watsi kuye: “Uhlubukela kubaseBhabhulona!”

Jeremiya 38:8

Ebedi Meleki waphuma esigodlweni waya kuyo watsi:

Amose 5:10

Nine bantfu niyamtondza umuntfu lomelana nebubi benu, nimedzelele umuntfu lokhuluma liciniso lodvwa enkhundleni.

Zakhariya 14:10

Lonkhe live, kusukela eGeba kuye eRimoni, eningizimu neJerusalema, liyawufanana ne-Arabha. Kodvwa iJerusalema iyawuphakanyiswa ihlale isendzaweni yayo, kusukela eSangweni lakaBhenjamini kuye endzaweni yeliSango Lekucala, eSangweni Lasekoneni, nekusukela eMbhoshongweni waHananeli kuye ematjeni enkhosi ekuhluta liwayini.

Matewu 20:16

“Kanjalo bekugcina bayawuba bekucala, nebekucala babe bekugcina.”

Dutheronomi 21:19

boyise nenina bayakuyitsatsa lendvodzana yabo, bayimikise kubaholi enkhundleni yalelo dolobha labo.

Joshuwa 20:4

“Utawutsi nakabalekela kulelinye lalamadolobha afike eme esangweni lalelo dolobha alandzise yonkhe indzaba yakhe embikwabandlancane walelo dolobha. Kufanele lobandlancane amngenise ngekhatsi, bese umnika indzawo yekuhlala naye.