Jeremiya 34:22 - Siswati 1996 Bible

²² Simakadze utsi: Ngiyawukhipha umlayeto ngibabuyise kulelidolobha. Bayakulwa nalo, balitfumbe bese bayalishisa. Emadolobha akaJuda ngiyakuwenta abe tindzala, kuze kusale kukhala libhungane kuwo.”

Jeremiya 34:22 Iomraidhean Croise

2 Samuweli 16:11

Davide wakhuluma ku-Abishayi nakuto tonkhe tindvuna takhe, watsi: “Indvodzana yami lephuma elukhalweni lwami, ngiyo lefuna kungibulala. Kangakanani-ke lomBhenjamini! Myekeleni anjalo, akachubeke angicalekise, ngobe utjelwe nguSimakadze kutsi akakwente.

2 Emakhosi 25:6

yena wabe sewuyatfunjwa. Watsatfwa wamikiswa enkhosini yaseBhabhulona eRibla, lapho yefike yakhipha sigwebo sayo kuye.

2 Emakhosi 25:9

Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Isaya 13:3

Labangcwele bami ngibatfumile, ngiwabitile emachawe ami lanemandla kutsi ayewufeza sigwebo sentfukutselo yami, wona lawo lajabulela kungincobela.

Isaya 24:12

Lidolobha selisele litindzala, emasango alo abhidlitwe aba ticucu.

Isaya 37:26

“Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, wawaphihlita aba tindvundvuma tematje.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Isaya 64:10

Emadolobha akho langcwele asalihlane, ngisho neSiyoni imbala seyilihlane, iJerusalema iyincitsakalo.

Jeremiya 2:15

Emabhubesi abhodlile, amhhongela. Live lakhe alente laba lihlane lelingenalutfo, emadolobha akhe ashisiwe, asala akhala libhungane.

Jeremiya 32:29

LamaBhabhulona lahlasela lelidolobha atawungena alilumeke ngemlilo. Atalishisa alicedze, kanye naletindlu lapho kuhlala khona labantfu labangitfukutselisa ngekutfuncisa imphepho etikweluphahla kuBhali kanye nangekutfululela iminikelo yetinatfo kulabanye bonkulunkulu.

Jeremiya 33:10

“Naku lokushiwo nguSimakadze, utsi: ‘Ngalendzawo nitsi: “Lendzawo ilihlane lelingenalutfo, ayinabantfu nome tilwane.” Noko emadolobheni akaJuda nasetitaladini taseJerusalema letibhidlitiwe letingasahlalwa bantfu nome tilwane, kuyawuphindze kuvakale

Jeremiya 34:2

“Naku lokushiwo nguSimakadze, Nkulunkulu wema-Israyeli, utsi: Hamba uye kuSedekiya, inkhosi yakaJuda, ufike umtjele utsi: ‘Naku lokushiwo nguSimakadze, utsi: Lelidolobha sengitalinikela enkhosini yaseBhabhulona, futsi italibhubhisa ngemlilo.

Jeremiya 38:23

“Onkhe emakhosikati akho nebantfwabakho bayawuyiswa kubaseBhabhulona, nawe cobo lwakho ngeke uphunyule etandleni tabo, kodvwa uyawubanjwa yinkhosi yaseBhabhulona, nalelidolobha liyawubhujiswa ngemlilo.”

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Jeremiya 50:13

Ngenca yentfukutselo yaSimakadze angeke asahlalwa bantfu, kodvwa sewuyawusala ayedvwa. Bonkhe labendlula eBhabhulona bayakwetfuka bafe, bahleke lusulu, ngenca yawo onkhe emanceba ayo.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Jeremiya 52:7

Lubondza-ke lwalelidolobha lwase luyafohlwa, imphi yonkhe yesuka yabaleka. Besuka edolobheni ebusuku, baphuma ngelisango lelisemkhatsini wetibondza letimbili letiseceleni kwengadze yenkhosi, lite nome emaBhabhulona abelitungeletile lelidolobha. Babaleka babhekisa emabombo ngase-Arabha,

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 1:1

Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Mikha 7:13

Umhlaba uyawuba lugwadvule ngenca yebubi balabo bantfu labahlala kuwo.

Zakhariya 1:12

Ingilosi yaSimakadze yatsi: “Simakadze Somandla, kuyawuze kube ngunini solomane sihawu sakho usigodlele iJerusalema nemadolobha akaJuda, lowawuwatfukutselele kuleminyaka lengema-70?”

Zakhariya 7:14

Ngabasakata ngesiwunguwungwana, ngabasa kuto tonkhe tive, lapho bafike baba tihambi khona. Live lasala likhala libhungane emvakwabo, kangangekutsi kute muntfu labengaphuma angene kulo. Balenta kanjalo-ke lelive lelalijabulile kutsi libe ngusehlane kahlongasibi.’ ”

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.