Jeremiya 31:17 - Siswati 1996 Bible

¹⁷ “Ngako likhona litsemba ngelikusasa lakho. Bantfwabakho bayawubuyela eveni labo,” kusho Simakadze.

Jeremiya 31:17 Iomraidhean Croise

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Sililo 3:18

Nguko ngitsi: “Bukhosi bami buhambile kanye nako konkhe lebengetsembele ngako kuSimakadze.”

Sililo 3:21

Yebo, noko ngiyakubuyisa engcondvweni, ngako nginelitsemba:

Sililo 3:26

Kuhle kuyilindzela ngekuthula nangekubeketela insindziso yaSimakadze.

Sililo 3:29

Akembele buso bakhe elutfulini, mhlawumbe kusengaba khona litsemba.

Hezekeli 37:21

bese-ke uyabatjela kutsi: ‘Naku lokushiwo yiNkhosi Simakadze, itsi: Ngitawubutsa sonkhe sive sami saka-Israyeli kuto tonkhe tive lapho sahlakatekela khona, ngisibutsele ndzawonye ngize ngisibuyisele eveni lelingelaso.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Hezekeli 39:28

Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Hoseya 2:15

Ngulapho-ke ngitambuyisela khona tivini takhe, ngente Sigodzi sase-Akhori sibe ngumnyango welitsemba. Ngulapho-ke lapho ayawuhlabela khona njengasemalangeni akhe ebusha, nanjengalelo langa laphuma ngalo eGibhithe.

Hoseya 3:5

Emvakwaloko ema-Israyeli ayawuphendvuka afune Simakadze, Nkulunkulu wawo, naDavide, inkhosi yawo. Bayawubuyela batitfobe kuSimakadze nakuto tibusiso taSimakadze ngemalanga ekugcina.

Zakhariya 9:12

Buyelani enqabeni yenu, nine tiboshwa lese ninelitsemba, ngisho nanyalo solo ngiyamemetela, ngitsi ngitanibuyisela ngalokuphindziwe.

Matewu 24:22

Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.