Jeremiya 10:4 - Siswati 1996 Bible

⁴ bakuhlobise ngesiliva nangegolide, bakutsekeletele ngehhamela nangetipikili, kuze kungetiwuntengetela.

Jeremiya 10:4 Iomraidhean Croise

Tihlabelelo 115:4

Kodvwa tithico tebetive tentiwa ngesiliva nangegolide, tingumsebenti wetandla temuntfu.

Tihlabelelo 135:15

Tithico tebetive tiyigolide nesiliva, tingumsebenti wetandla temuntfu.

Isaya 44:12

Umfuli utsatsa lithulusi asebente ngalo emalahleni; abumbe sithico ngetandvo, akubetsele ngemandla akhe onkhe. Uyalamba, aphelelwe ngemandla; anganatsi ngisho emanti, bese uyoma aze acaleke.

Isaya 46:6

Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.

Isaya 46:7

Basibeka emahlombe abo basetfwale, basibeke endzaweni yaso, bese siyema kuleyo ndzawo, asikwati nekutsi khushu. Nome umuntfu angamemeta kanjani kuso atikhalela, asikwati kumphendvula; singeke simsindzise umuntfu etinhluphekweni takhe.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

Habakhuki 2:19

Nako kulowo muntfu losho esigodvweni atsi: ‘Phila!’ nome etjeni lelingenamphilo atsi: ‘Vuka!’ Lingasinika yini seluleko? Lembeswe ngegolide nangesiliva, kute umphefumulo kulo.