Isaya 7:17 - Siswati 1996 Bible

¹⁷ Simakadze uyawuletsa kuwe nasetikwesive sakini, nasetikwendlu yeyihlo, sikhatsi lesingazange sesibe khona kusukela baka-Efrayimu bahlephuka kubakaJuda; uyawuletsa inkhosi yase-Asiriya.”

Isaya 7:17 Iomraidhean Croise

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Jeremiya 33:24

“Awukanaki yini kutsi labantfu batsi: ‘Simakadze uyilahlile lemibuso lemibili layikhetsa’? Ngako bababukela phansi labantfu bami, ababatsatsi ngekutsi nabo basive.