Isaya 65:7 - Siswati 1996 Bible

⁷ yebo, tono tabo netono taboyise,” kusho Simakadze. “Njengobe bashisa imihlatjelo etintsabeni, bangihlambalata emagcumeni, ngiyawukala umvuzo wabo ngiwehlisele ematsangeni abo ngalokuphelele, ngenca yetono tabo takadzeni.”

Isaya 65:7 Iomraidhean Croise

1 Emakhosi 22:43

Kuko konkhe Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze. Noko tindzawo letiphakeme tekukhontela tithico akazange atisuse, ngako bantfu babesachubeka nekwentela kuto imihlatjelo batfuncise netimphepho.

1 Emakhosi 22:44

Jehoshafati futsi abehlalisene ngekuthula nenkhosi yaka-Israyeli.

2 Emakhosi 12:3

Noko tindzawo letiphakeme tekukhontela tithico tatingakesuswa; bantfu bachubeka nekwentela kuto imihlatjelo batfuncisa khona nemphepho.

2 Emakhosi 14:4

Kodvwa tindzawo letiphakeme tekukhontela tithico tona atizange tisuswe; bantfu babechubeka banikelela kuto imihlatjelo yekushiswa, batfuncisa nemphepho khona.

2 Emakhosi 15:35

Noko tindzawo letiphakeme tekukhontela tithico naye akazange atisuse, bantfu bachubeka nekunikelela kuto imihlatjelo, batfuncisa nemphepho khona. Jothamu wakha kabusha liSango lelingenhla lasethempelini laSimakadze.

2 Emakhosi 16:4

Wanikela nangemihlatjelo, watfuncisa imphepho etindzaweni letiphakeme, nasetulu eticongweni temagcuma, nangephansi kwetihlahla letikhulu letendlala emagala ato.

2 Tikhronike 21:11

Abesakhe netindzawo letiphakeme etintsabeni takaJuda, wabangela bantfu baseJerusalema kutsi baphinge ngekukhonta tithico, wedukisa sive sakaJuda.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 13:11

“Umhlaba ngiyakuwujezisa ngenca yebubi bawo, ngijezise nalababi ngenca yetono tabo. Ngiyakulicedza ligcabho lalabo labatigcabhako, ngikutfobise kutigcabha kwalabo labanelunya.

Isaya 22:14

Simakadze longuSomandla ukwembulile loku kimi, ngakuva: “Niyawuze nife solomane lesono singakahlawulelwa”, isho njalo iNkhosi Simakadze lenguSomandla.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 28:21

Simakadze utawuvuka, njengobe wake wenta eNtsabeni yasePherasimu, lulaka lwakhe luyakumvuselela njengaseSigodzini saseGibeyoni, kutsi ente umsebenti wakhe, yebo, umsebenti wakhe lomangalisako kutsi aphelelisele umsebenti wakhe, yebo, umsebenti wakhe longaketayeleki.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Isaya 30:13

lesono lesi siyawuba ngangelubondza loluphakeme kini, loseluklatuka ekhatsi selugobana, lona lolusuke selutawuhhibika masinyane.

Isaya 30:14

Lutawucetuka tincetu njengeludziwo loluphihlitwe ngelunya, kangangekutsi emkhatsini wetincetu talo ungeke sewutfole ngisho neludzengelo lwekubutsa emalahle etiko, nome nje lwekukhelela emanti emgodzini.”

Isaya 57:12

Ngitakudalula kulunga kwakho kanye nemisebenti yakho, futsi ingeke ikusite ngalutfo.

Isaya 57:7

Wendlale umbhedze wakho etulu etintsabeni letiphakeme, wase wenyukela khona kuyawushisa imihlatjelo.

Isaya 59:18

Uyawubabuyisela njengaloko labakwentile: lulaka etitseni takhe, nekujeziswa kulabamelana naye. Tichingi uyawutikhokhela njengekwetento tato.

Isaya 65:6

“Buka la, kuhlala kubhaliwe embikwami, kutsi: Ngingeke ngibindze, kodvwa ngitakukhokhela ngalokugcwele, ngitakukhokhela ematsangeni abo,

Isaya 66:4

Ngako-ke nami ngiyawukhetsa kubaphatsa ngesandla lesicinile, ngehlisele etikwabo loko labakwesabako. Ngobe ngatsi nangimemeta, kwabate losabelako; ngatsi nangikhuluma, kwabate lolalelako. Benta lokubi emehlweni ami, bakhetsa loko lokungangijabulisi.”

Jeremiya 13:25

Loku ngulokusabelo sakho, sabelo lese ngikumisele sona, ngobe sewungikhohliwe, wetsemba bonkulunkulu,” kusho Simakadze.

Jeremiya 13:27

konkhe kuphinga kwakho, nako konkhe kushangashangiswa kwakho yinkhanuko, nebugwadla bakho lobulihlazo! Ngitibonile tento takho letisinengiso emagcumeni nasetikhotseni. Awu, nako kuwe, Jerusalema! Uyawuhlala ungcolile kuze kube ngunini?”

Jeremiya 16:18

Ngitabaphindzisela ngalokuphindziwe ngenca yetono tabo nangebubi babo, ngobe balingcolisile live lami ngetinhlobonhlobo tetitfombe tabo letingenamphefumulo, bagcwalisa lifa lami ngetithico tabo letinengekako.”

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Jeremiya 5:9

Akukafaneli yini kutsi ngibajezise ngaloko?” kusho Simakadze. “Akukafaneli yini ngitenanele mine kulesive lesifanana nalesi?

Hezekeli 18:6

Akadleli etindvumbeni tetithico letisetintsabeni, akabuki futsi kuletithico tendlu yaka-Israyeli. Akamoni nemfati wamakhelwane wakhe, nome-ke alale nemfati losesikhatsini.

Danyela 9:8

Awu Simakadze, tsine nemakhosi etfu, nebabusi betfu, nabobabemkhulu, sitseleke ngelihlazo nendlisamahloni, ngobe sonile kuwe.

Hoseya 11:2

Kodvwa ngatsi ngisachubeka kubita Israyeli, nabo bachubeka bakhwesha kimi. Banikela imihlatjelo kuboBhali, batfuncisela titfombe imphepho.

Hoseya 2:13

Ngiyawumjezisa ngenca yalawo malanga lashisa ngawo imphepho kuboBhali, wativunulisa ngetindandatho nangemihlobiso yakhe lemihle, walandzelana nemashende akhe, kodvwa mine wangikhohlwa,” kusho Simakadze.

Levithikusi 26:39

Labo benu labayawube basasele bangakafi eveni letitsa tabo, bayawukondza babe tincotfo ngenca yetono tabo, nangenca yetono taboyise bayawukondza besabeke.

Numeri 32:14

“Nani-ke, ntalelwane yetoni, nime kuleyo ndzawo yaboyihlo, nentela kutsi Simakadze asitfukutselele kakhulu kunakucala sive sema-Israyeli.

Lukha 6:38

“Phanini, nani nitawuphiwa tipho letingangcingcwa tigcwalise konkhe lebeningaphatsa ngako. Lesilinganiso lenilinganisa ngaso labanye nani Nkulunkulu uyakunilinganisa ngaso.”

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.