Isaya 61:8 - Siswati 1996 Bible

⁸ “Ngobe mine, Simakadze, ngiyakutsandza kwehlulela ngebucotfo. Ngiyakutondza kudlelela nekona, bantfu bami ngiyawubakhokhela njengekwetsembeka kwami, ngente sivumelwane saphakadze naphakadze nabo.

Isaya 61:8 Iomraidhean Croise

Genesisi 17:7

“Ngiyawumisa sivumelwane sami nawe nentalo yakho, emvakwakho, etitukulwaneni ngetitukulwane, kube sivumelwane saphakadze. Ngiyawuba nguNkulunkulu wakho naNkulunkulu wetitukulwane takho emvakwakho.

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

Tihlabelelo 105:10

wasicinisa kuJakobe, saba ngumtsetfo, ku-Israyeli saba sivumelwane saphakadze.

Tihlabelelo 11:7

Simakadze ulungile, utsandza tento letinhle, labalungile bayawububona buso bakhe.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 33:5

Simakadze utsandza kulunga nebumsulwa. Umhlaba ugcwele umusa waSimakadze.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Tihlabelelo 45:7

Kulunga uyakutsandza, kodvwa uyakutondza lokubi. Ngako-ke, Nkulunkulu, longuNkulunkulu wakho, ukugcobise ngemafutsa enjabulo, wakuphakamisa ngetulu kwebangani bakho.

Tihlabelelo 50:5

“Baletseni la bonkhe labangcwele bami labenta nami sivumelwane ngemhlatjelo!”

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Taga 3:6

Matise kuko konkhe lokwentako, yena uyakucondzisa tindlela takho.

Taga 8:20

Ngihamba endleleni yekulunga, yebo, emikhondvweni yebumsulwa.

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Isaya 56:1

Naku lokushiwo nguSimakadze, utsi: “Yentani umtsetfocotfo ningawuyekeleli, nente lokulungile, ngobe insindziso yami seyisedvute, kulunga kwami kutakwembulwa masinyane.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

Jeremiya 9:24

Kodvwa lowo lotigabatisako akatigabatise ngaloku: Kwekutsi uyangicondza, futsi uyangati mine, kutsi nginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko,” kusho Simakadze.

Hezekeli 16:60

Noko ngiyawusikhumbula sivumelwane lengasenta nawe ngesikhatsi sebusha bakho, ngiyawube sengimisa sivumelwane saphakadze nawe.

Hezekeli 34:25

“ ‘Ngiyakwenta sivumelwane sekuthula nato kutsi tilwane tesiganga ngitisuse eveni, khona timvu tami titewuhlala ehlane tilale emahlatsini tiphephile.

Malakhi 1:13

Niphindze nitsi: ‘Maye, ngumtfwalo!’ bese nikumfumfutsa ngaphandle kwenhlonipho,” kusho Simakadze longuSomandla. “Naniletsa tifuyo letitsetfwe ngebudlova nome letichutako, nome letigulako nitinikele tibe ngumhlatjelo, kufanele ngitemukele yini kuleto tandla tenu?” kusho Simakadze.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

2 kubaseThesalonika 3:5

Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.