Isaya 61:6 - Siswati 1996 Bible

⁶ Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.

Isaya 61:6 Iomraidhean Croise

Eksodusi 19:6

Niyawuba ngumbuso webaphristi, nibe sive lesingcwele.’ Ngulawo-ke emavi lotawufike uwakhulume esiveni saka-Israyeli.”

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 54:3

Ngobe utalendlalela ngesekudla nangesancele, titukulwane takho tiyakudla emave etive, tihlale emadolobheni ato latindzala.

Isaya 56:6

Betive labatibophela bona kuSimakadze kutsi batemkhonta, batsandze neLibito laSimakadze bakhonte yena, bonkhe labagcina liSabatha bangaloni, lababambelela esivumelwaneni sami,

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Isaya 66:21

Ngiyawukhetsa labanye emkhatsini wabo ngibente babe baphristi nemaLevi,” kusho Simakadze.

Jeremiya 33:18

ngisho nebaphristi imbala labangemaLevi, bangeke beswele indvodza letakuma embikwami njalonjalo kutekwenta iminikelo yalokutinhlavu, kanye nekwetfula imihlatjelo.’ ”

Hezekeli 14:11

Yebo, sive sema-Israyeli singeke siphindze seduke kimi, futsi singeke siphindze sitingcolise ngato tonkhe letono taso. Bayawuba bantfu bami, mine ngibe nguNkulunkulu wabo, kusho iNkhosi Simakadze.’ ”

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

1 kubaseKorinthe 3:5

Pho, uyini Apolosi? Uyini Pawula? Batisebenti nje taNkulunkulu lenakholwa ngato, letisebenta njengekwaba kweNkhosi kuleso nakuleso sato.

1 kubaseKorinthe 4:1

Kufanele satiwe kutsi sitikhonti taKhristu nebaphatsi betimfihlakalo taNkulunkulu.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

Dutheronomi 18:2

Bayawubate lifa emkhatsini wabomnakabo; Simakadze nguyena alifa labo, njengobe abetsembisa.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

Sembulo 1:6

wasenta emakhosi nebaphristi kuNkulunkulu uYise, akube ludvumo nebukhosi phakadze naphakadze! Amen.

Sembulo 20:6

Babusisiwe futsi bangcwele labo labahlanganyela ekuvukeni kwekucala. Kufa kwesibili kute emandla etikwabo, kodvwa bayawuba baphristi baNkulunkulu naKhristu, bayawubusa naye iminyaka leyinkhulungwane.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”