Isaya 61:10 - Siswati 1996 Bible

¹⁰ Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 61:10 Iomraidhean Croise

Genesisi 24:53

Lenceku yakhipha tintfo tesiliva netegolide, netingubo, yatipha Rebheka. Yaphindze yapha umnakabo nenina tintfo letingemagugu.

2 Tikhronike 6:41

“Manje-ke, phakama, Simakadze Nkulunkulu, ute endzaweni yakho yekuphumula, wena kanye nelibhokisi lesivumelwane semandla akho. Awu, Simakadze Nkulunkulu, shangatsi baphristi bakho bangembatsiswa ngensindziso. Shangatsi labangcwele bakho bangajabula ngemusa wakho.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Jobe 29:14

Kulunga ngangikwente kwaba yingubo yami yekwembatsa, kungakhetsi muntfu kwakungusona sembatfo sami nesigcoko sami.

Tihlabelelo 132:16

Baphristi bayo ngiyawubembatsisa ngensindziso, labangcwele bayo bahlabele ngekujabula.

Tihlabelelo 132:9

Baphristi bakho abembatse kulunga, labangcwele bakho bahlabele ngekwetsaba.

Tihlabelelo 28:7

Simakadze ungemandla ami nesihlangu sami, inhlitiyo yami yetsembele kuye. Wangisita, ngako inhlitiyo yami igcunyagcunyiswa yinjabulo. Ngiyawumbonga ngengoma yami.

Tihlabelelo 35:9

Ngako umphefumulo wami uyawujabula kuSimakadze, ujabule nangensindziso yakhe.

Ingoma Yetingoma 1:10

Tihlatsi takho timomondziya nje nase tinemacici, nentsamo yakho nase yegatjiswe ingcibo.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 17:10

Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 25:1

Awu, Simakadze, wena unguNkulunkulu wami, ngiyakukuphakamisa, ngilidvumise Libito lakho, ngobe ngekwetsembeka kwakho lokuphelele wente tintfo letimangalisako, tintfo letahlelwa endvulo.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 41:16

Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.

Isaya 48:18

Kube mane naniyilalela imiyalo yami, kuthula nenhlalakahle yenu ngabe kunjengemifula, kulunga kwenu kube njengemagagasi elwandle.

Isaya 49:18

Phakamisa emehlo akho ucalate, bonkhe bantfwana bakho bayabutsana, babuyele kuwe.” Simakadze utsi: “Ngifunga kuphila kwami, impela uyakubembatsa bonkhe njengemhlobiso wemvunulo, uyakubagcoka njengamakoti.

Isaya 49:4

Kodvwa ngatsi: “Ngisebentele lite. Titfukutfuku tami ngitijulukele lite, ngisebentele emahhala. Kodvwa lilungelo lami lisesandleni saSimakadze; nemvuzo wami ukuNkulunkulu wami.”

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Isaya 58:14

ngulapho uyawutfola khona-ke kujabula kwakho kuSimakadze, ngiyawukwenta ukhuphukele eticongweni telive, ube nenala udle nelifa leyihlomkhulu Jakobe.” Umlomo waSimakadze sewukhulumile.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Hezekeli 42:14

Batawutsi labaphristi bangangena kulendzawo lengcwele, bangabe basangena esibuyeni lesingephandle, bangakakhumuli tingubo labatembatsako nabakhontako, ngobe leti tingcwele. Kufanele bembatse letinye timphahla basengakasondzeli etindzaweni tebantfu.”

Habakhuki 3:18

noko ngitawujabula ngaSimakadze, ngijabulele Nkulunkulu, uMsindzisi wami.

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Zakhariya 3:5

Ngase ngitsi: “Mshuculiseni ngemshuculo lohlobile.” Ngako bamshuculisa ngemshuculo lohlobile enhloko yakhe, bamembatsisa, ngesikhatsi ingilosi yaSimakadze isemile eceleni kwakhe.

Lukha 15:22

Kepha uyise wabita tisebenti watsi: ‘Phangisani niletse ingubo lenhle niyembatsise, niyifake nendandatho emnweni wayo, neticatfulo etinyaweni.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

KubaseRoma 5:11

Noko akusiko loko kuphela, kodvwa siphindze sijabula kuNkulunkulu ngaJesu Khristu iNkhosi yetfu lokungaye semukeliswe kubuyisana naNkulunkulu.

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.

Sembulo 21:9

Lenye yaletingilosi letisikhombisa letatiphetse titja letatigcwele tinhlupheko tekugcina letisikhombisa yeta kimi, yafike yatsi: “Kota, ngitekukhombisa makoti, umkaWundlu.”

Sembulo 4:4

Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.

1 Samuweli 2:1

Hana wachubeka wathandaza watsi: “Inhlitiyo yami iyajabula kuSimakadze; Simakadze ungemandla ami. Umlomo wami uyaticoloshela titsa tami, ngobe ngiyajabula ekusindziseni kwakhe.