Isaya 60:22 - Siswati 1996 Bible

²² Lomncane wenu uyawuba yinkhulungwane, lophansi kakhulu abe sive lesinemandla. NginguSimakadze, ngesikhatsi sako ngiyawukwenta loko ngekushesha lokukhulu.”

Isaya 60:22 Iomraidhean Croise

Isaya 10:22

Nome sive sakho, wena Israyeli, singaba sinyenti ngangesihlabatsi saselugwini lwelwandle, kuyawubuyela insali kuphela. Imbhubhiso ikhishwe, iphuphume ngekulunga.

Isaya 5:19

maye kulabo labatsi: “Nkulunkulu akasheshise, akaphangise umsebenti wakhe, khona sitewubona. Longcwele waka-Israyeli akakwente masinyane loko latimisele kukwenta, khona sitekwati.”

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Isaya 66:8

Ngubani lowase weva ngentfo lefanana naleyo? Ngubani lowase watibona tintfo letinjengaleto? Live lingatalwa yini ngalanga linye? Sona sive sake savela yini ngesikhashana nje? Noko iSiyoni itsite ingakaphatfwa ngumhelo yatala bantfwana bayo.”

Danyela 2:35

Lensimbi, nalelibumba, nalelitfusi, nalesiliva, nalegolide kwabhidlika kwaba ticucu ngasikhatsi sinye, kwaze kwafanana nemakhoba lasebaleni lekubhula ehlobo. Umoya wakuphephula konkhe, kwangete kwasala lutfo. Kodvwa lelidvwala lelalishaye lesitfombe lakhula laba yintsaba lenkhulu, lagcwala wonkhe umhlaba.

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Mikha 4:7

Bantfu balesive batishosha kantsi bakhashane nemakhaya abo, kodvwa ngiyawukwenta sicalo lesisha ngensali yabo, babe sive lesinemandla. Ngiyawuba yiNkhosi yabo eSiyoni kuze kube phakadze naphakadze.”

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Imisebenti yebaPhostoli 5:14

Kodvwa lesicuku sabo sengeteka kakhulu ngebantfu labakholwa eNkhosini, labadvuna nalabasikati.

KumaHebheru 10:36

Nidzinga kucinisela kuze kutsi nase nente intsandvo yaNkulunkulu, nitekwemukela loko lokwatsenjiswa nguye.

2 yaPhetro 3:8

Kepha, batsandzekako, ningakhohlwa kutsi lilanga lilinye eNkhosini lingangeminyaka leyinkhulungwane, nekutsi iminyaka leyinkhulungwane ingangelilanga linye.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.